2023 ވަނަ އަހަރުގެ ޖޫން މަހުގެ ތެރޭގައި އެމްޑީޕީއިން އިސްތިއުފާ ދިނުމަށްފަހު އުނބަށް ޖައްސަވައި ރައީސް ނަޝީދު އަލުން އަނބުރާ އެމްޑީޕިއަށް ސޮއި ކުރެއްވި ޖަލްސާގައި ކުފުރު ފަދަ ގޮތަކަށް ވާހަކަފުޅު ދައްކަވައިފިއެވެ. އޭނާ ވިދާޅުވީ, މުސްތަގުބަލްގައި ވާން ހުންނަ ކަންކަން ވެސް ދެނެގަންނަ ކަމަށެވެ. އަދި އޭޝިއާ ރީޖަންގައި އޮތް ރައްޔިތުންނަށް ހެޔޮއެދޭ ހަމައެކަނި ޕާޓީއަކީ އޭނާގެ ޕާޓީ ކަމަށް ވިދާޅުވެ އިތުރުފުޅު ހެއްދެވި މެއެވެ.
"... އެއީ މި ޕާޓީއަކީ ހިސާބު ޖަހާ ޕާޓީއެއް... ދެން ވާންއުޅޭ ގޮތް ދެނެގަންނަ ޕާޓީއެއް .... މި ނޫން ޕާޓީއެއް އޭޝިއާ ތެރެއަކު ގައުމެއް ބަދަލުކޮށްލާކަށް، ރައްޔިތަކަށް ހެވެއް ހޯދައިދޭކަށް ހަގީގަތުގައި ނުވެސް ނެތް،" ނަޝީދު ވިދާޅުވިއެވެ.
މިރޭ އެމްޑީޕީއަށް ސޮއި ކުރެއްވުމަށްފަހު އެ ޖަލްސާގައި ނަޝީދު ވިދާޅުވީ ރައީސް މުޢިއްޒުގެ ސަރުކާރަށް މި އަންނަ ލޯކަލް ކައުންސިލް އިންތިހާބުގައި ލިބިވަޑައިގަންނަވާނީ 20 ޕަސެންޓު ކަމަށެވެ. ނަޝީދު މިހެން ވިދާޅުވި އިރު އެމަނިކުފާނު އިސްވެ ހުންނަވައި އުފެއްދެވި ދަ ޑިމޮކްރެޓްސް އަށް ނިމިދިޔަ 2023 ގެ އިންތީހާބުގައި ލިބިވަޑައިގެންނެވީ އެންމެ 7 ޕަސެންޓެވެ.
ނަޝީދަކީ މި ފަހުގެ ތާރީހުގައި އެންމެ ގިނަ ދޮގާއި މަކަރު ހެއްދެވި އަދި ހަމައެހެންމެ ރައްޔިތުން އެންމެ ލޯބި ހޯއްދެވި އެއް ލީޑަރެވެ. ނަމަވެސް ނަޝީދުގެ އުޅުމާއި މިޖާޒާއި ބަހުރުވަ ހުންނަ ގޮތުން އެމަނިކުފާނު ދެކެ ގިނަބަޔަކު މިހާރު ނަފްރަތު ކުރެއެވެ. އެކަން އެންމެ 7 ޕަސެންޓުކަން ދިވެހި ރައްޔިތުން ވަނީ އެންމެ ފަހުގެ ރިޔާސީ އިންތިހާބުގައި ދައްކާފައެވެ. އަދި އެމްޑީޕީގެ ރިޔާސީ ޓިކެޓުގެ ރޭހުގައި ވެސް ނަޝީދަށް ވަނީ ބޮޑު ނާކާމިޔާބީއަކާ ކުރިމަތިލާން ޖެހިފައެވެ. ނިމުނީއެއް ނޫނެވެ. 2024 ގެ މަޖިލިސް އިންތިހާބުގައި އެމަނިކުފާނުގެ ޕާޓީ ޑިމޮކްރެޓްސް އަށް އެންމެ ގޮނޑިއެއް ވެސް ލިބިފައެއް ނުވެއެވެ.
ރައީސް ނަޝީދު އެމަނިކުފާނު އިސްވެ ހުންނަވާ އުފެއްދެވި ދަ ޑިމޮކްރެޓްސް ދޫކުރައްވާ އަލުން އަނބުރާ އެމްޑީޕީ އަށް ސޮއި ކުރުމުން އެމަނިކުފާނަށް އޮތް ތާއީދު މިހާރު މިވަނީ އިތުރަށް ހީނަރުވެފައެވެ. އެމްޑީޕީ އެތެރޭގައި އެމަނިކުފާނަށް ތާއިދެއް ނެތެވެ. ސަބަބަކީ އެމްޑީޕީ ސަޕޯޓަރުން ޤަބޫލުކުރާ ގޮތުގައި 2023 ގައި އެ ޕާޓީ ނާކާމިޔާބީއާ ކުރިމަތިލާން ޖެހުނީ ރައީސް ނަޝީދު ފާޅުގައި ކުރެއްވި އެންޓި ކެމްޕެއިނުގެ ސަބަބުންނެވެ. ކެމްޕެއިނުގައި ނަޝީދު ވަނީ އެމްޑީޕީ ރޫޅާލާނެ ކަމަށް ވިދާޅުވެ އެކަން އިންތިހާބުގައި ދައްކާފައެވެ.
އެމަނިކުފާނު މިރޭ އެމްޑީޕީއަށް ސޮއި ކުރެއްވި އިރު އެމްޑީޕީ ލީޑަރޝިޕްގެ ގިނަ ބޭފުޅުން އެ ޖަލްސާގައި ބައިވެރިވެވަޑައިގެންފައި ނުވެއެވެ. ހާއްސަކޮށް އިބްރާހިމް ސޯލިހާއި އެމަނިކުފާނުގެ ފެކްޝަނުގެ ބޭފުޅުން ބައިވެރިވެފައެއް ނުވެއެވެ.
