މިމަހުގެ 20-21 ގައި އިރާނުން އިޒްރޭލްގެ ރަށްތަކަށް ދިން ރައްދު ހަމަލާތަކުގެ ސަބަބުން އިސްރާއީލުގެ މަދުވެގެން 30 ހާހަށް ވުރެ ގިނަ މީހުންގެ ގެދޮރު ގެއްލި ރެފިއުޖީންނަށް ވެއްޖެ ކަމަށް ރިޕޯޓްތައް ބުނެފިއެވެ.
ބައިނަލްއަޤްވާމީ މީޑިއާއިން ރިޕޯޓްކޮށްފައިވާ ގޮތުން، ތެލް އަވީވް އާއި ވަށައިގެންވާ ސިޓީތަކަށް ދިން މި ހަމަލާގައި 240 އަށް ވުރެ ގިނަ އިމާރާތްތަކާއި 2،000 އަށް ވުރެ ގިނަ އެޕާޓްމަންޓްތަކަށް ވަނީ ގެއްލުންވެފައެވެ.
އިސްރާއީލުން މިކަންކަން ފޮރުވަމުންދާއިރު އެމީހުން ބުނަނީ ހާލުގައި ޖެހުނީ 9،000 މީހުން ކަމަށެވެ. ނަމަވެސް އެ ސަރަހައްދުގެ ކޮމިއުނިޓީ ލީޑަރުންނާއި ހައުސިންގ އޮފިޝަލުން ވަނީ އަސްލު ޢަދަދު، 30،000 އަށް ވުރެ ގިނަ ކަމަށާއި ގާތްގަނޑަކަށް 30 ހާހާއި 50 ހާހާއި ދޭތެރޭގައި އުޅޭ ކަމަށް ލަފާކޮށްފައެވެ.
އިސްރާއީލާއި ނުކުޅެވޭނެއޭ ބުނެ މުޅި ދުނިޔެއަށް ގޮންޖަހަމުން ދިޔައިރު، މިއަދު ޔަހޫދީންގެ ބަލިކަށިކަން މުޅި ދުނިޔެއަށް މިއޮތީ ހާމަ ވެފައެވެ. ރަސްމީ މަސްދަރުތަކުން ބުނާ ގޮތުގައި 23-30 މީހުން އީރާނުގެ ޙަމަލާތަކުގައި އިސްރާއީލުގައި މަރުވެފައިވާއިރު ޢިމާރާތްތަކުގެ ދަށުގައި ތާށިވެފައިވާ މީހުން ނެގުމުގެ މަސައްކަތް އަދިވެސް ދަނީ ކުރަމުންނެވެ.
ގެއްލުމުގެ އެސެސްމަންޓްތަކުން ދައްކާ ގޮތުގައި، ބެޓް ޔަމް، ރެހޮވޮޓް، ހައިފާ، އަދި ތެލް އަވީވްގައި ބައެއް ބްލޮކްތައް ވަނީ އިންސާނުންނަށް ދިރިނޫޅެވޭ ވަރަށް އެކީއެކަށް ފުނޑުފުނޑު ވެފައެވެ.
އިޒްރޭލްގެ ވެރިން ވަނީ އިރާނުން އާންމު ރައްޔިތުން ދިރިއުޅޭ ސަރަހައްދުތަކަށް ހަމަލާ ދިނުމަކީ ބައިނަލްއަޤްވާމީ އިންސާނީ ޤާނޫނާ ޚިލާފު ކަމެއް ކަމަށް ބުނެ، މިކަމަށް ވަރަށް ބޮޑަށް ފާޑުކިޔާފައެވެ. ފިނި މޫސުން ކައިރިވަމުން ދިޔުމާއެކު، ގެދޮރު ގެއްލިފައިވާ މީހުންނަށް ކުރިމަތިވެދާނެ އިންސާނީ ކާރިސާއާމެދު ޔަހޫދީން ކަންބޮޑުވުން ފާޅުކޮށް ބައިނަލްއަޤްވާމީ އެހީއަށް އެދިފައިވާއިރު، ފަލަސްތީނުގެ މުސްލިމުންނާއި ދޭތެރޭ ޔަހޫދީން ކަންތައްކުރީ ވަލުޖަނަވާރުންނާއި ދޭތެރޭ މީހުން ކަންތައް ނުކުރާހާވެސް ގޯސްކޮށެވެ.
