އއ. ތޮއްޑޫގައި ގެއެއްގެ ތެރޭގައި ބިދޭސީ އަންހެނަކު ވިހެއި މައްސަލައެއް ފެންމަތިވެ، ފުލުހުން އެ މައްސަލަ ތަހުގީގު ކުރަން ފަށައިފިއެވެ. މި މައްސަލަ ފުލުހުންނަށް ރިޕޯޓްކޮށްފައިވަނީ ތޮއްޑޫ ހެލްތް ސެންޓަރުންނެވެ.
ފުލުހުން ވިދާޅުވީ ތޮއްޑޫގައި ވޯކް ވިސާގައި މަސައްކަތް ކުރާ އުމުރުން 23 އަހަރުގެ ބިދޭސީ އަންހެނަކު އެ ރަށުގެ ގެއެއްގެ ތެރެއަށް، ވަކި މީހަކަށް ނުލައްވާ ގޮތަށް ވިހެއި މައްސަލައެއް މިއަދު މެންދުރު 12:34 ހާއިރު ހެލްތް ސެންޓަރުން ރިޕޯޓްކޮށްފައިވާ ކަމަށެވެ.
"ވަގުތު" އަށް އެނގިފައިވާ ގޮތުގައި އެ އަންހެން މީހާއަކީ އެ ރަށުގެ ފިހާރައެއްގައި މަސައްކަތްކުރާ އިންޑޮނޭޝިއާ އަށް ނިސްބަތްވާ އަންހެނެކެވެ. އޭނާ ވިހާފައި ވަނީ ދިރިއުޅޭ ގޭގެ ކޮޓަރިއެއް ތެރެއަށް ކަމަށް އެނގިފައިވެއެވެ. މި ހާދިސާ ހިނގުމަށް ފަހު، އޭނާ ވަނީ ސިއްހީ ފަރުވާއަށްޓަކައި ސިއްހީ މަރުކަޒަށް ގެންގޮސްފައެވެ.
