ހުޅުމާލޭ ދެވަނަ ފިޔަވަހީގައި ހިނގި އެކްސިޑެންޓަކާއި ގުޅިގެން މަގުމަތީގައި މާރާމާރީ ހިންގި ދެމީހަކު ފުލުހުންގެ ބެލުމުގެ ދަށަށް ގެނެސްފިއެވެ.
މިއަދު މެންދުރުގެ ވަގުތެއްގައި ހުޅުމާލޭ ދެވަނަ ފިޔަވަހީގައި ހިނގި މި ހާދިސާ އާއި ގުޅިގެން މަގުމަތީގައި މާރާމާރީ ހިންގި ދެމީހަކު ފުލުހުންގެ ބެލުމުގެ ދަށަށް ގެނެސް ނަސޭހަތް ދިނުމަށްފަހު މިހާރު ދޫކޮށްލާފައިވާކަމަށް ފުލުހުން މައުލޫމާތުދެއެވެ.
މީސްމީޑިއާގައި ދައުރުވަމުންދާ ވީޑިއޯއެއްގައި ދައްކާ ގޮތުން، ކާރަކާއި ސައިކަލެއް ޖެހި ހިނގި އެކްސިޑެންޓަކާއި ގުޅިގެން ދެފިރިހެނުން ވަނީ މަގުމަތީގައި މާރާމާރީ ހިންގާފައެވެ. އަދި ވީޑިއޯ އާންމުކުރި ފަރާތުން ތުހުމަތުކޮށްފައިވަނީ މާރާމާރީ ހިންގި އެކަކީ އެކްސިޑެންޓްވި ޓެކްސީގެ ޑްރައިވަރު ކަމަށެވެ.
