ރައްޔިތުންގެ މަޖިލީހުގެ ގައްދޫ ދާއިރާގެ ކުރީގެ މެމްބަރު އަހްމަދު ރަޝީދު މިއަދު އަވަހާރަވެއްޖެއެވެ.
ރަޝީދު އަވަހާރަވީ ކެންސަރު ބައްޔަށް ފަރުވާ ހޯއްދަވަމުން ގެންދަވަނިކޮށެވެ.
ގައްދޫ ދާއިރާގެ މެމްބަރުކަން ރަޝީދު ކުރެއްވީ 18 ވަނަ މަޖިލިސްގައެވެ. އެއީ ކުރީގެ ރައީސް އަބްދުالله ޔާމީންގެ ވެރިކަމުގެ ޕީޕީއެމްގެ ޓިކެޓުގައި ވާދަކުރައްވައިގެންނެވެ.
Advertisement
ރަޝީދު އަވަހާރަވުމުގެ ހިތާމާގައި ރައީސް ޑރ. މުޙައްމަދު މުޢިއްޒު ސޯޝަލް މީޑިއާގައި ކުރެއްވި ޕޯސްޓެއްގައި ވިދާޅުވީ ގައްދޫ ދާއިރާގެ މެންބަރުކަން ކުރައްވާފައިވާ އަދި ސިޔާސީ ގިނަ މަސައްކަތްޕުޅުތަކެއް އެމަނިކުފާނާއެކު ކުރައްވާފައިވާ ލޮބުވެތި އަހު، ރަޝީދު އަވަހާރަވުމުގެ ހިތާމައިގައި ބައިވެރިވެ، މަރްޙޫމްގެ ޢާއިލާއަށް ތައުޒިޔާ ވިދާޅުވާ ކަމަށެވެ.
"މަރްހޫމް އަހްމަދު ރަޝީދަށް ސުވަރުގޭގެ ދާއިމީ ނިޢުމަތް ދެއްވައި، މާތްﷲގެ ތަނަވަސް ރަހުމަތުގައި އަބަދުމެ ލަހައްޓަވާށި އެވެ. އާމީން." ރައީސް ވިދާޅުވިއެވެ.
