އީދު ދުވަހު އެމްޓީސީސީގެ ފެރީ އާއި ބަހުގެ ހިދުމަތް ލިބޭނެ ގަޑިތައް އެ ކުންފުނިން މިއަދު އާންމުކޮށްފި އެވެ.
އެމްޓީސީސީން ބުނީ އީދު ދުވަހު ނުވަތަ މާދަމާ މާލެ ސަރަހައްދުގެ ބަސް ހިދުމަތުގެ ދަތުރުތައް ފެށުމަށް ހަމަޖެހިފައި ވަނީ ހެނދުނު 8:00 ގައި ކަމަށެވެ.
ނަމަވެސް، ދަތުރުވެރިންނަށް ފަސޭހަކޮށްދިނުމުގެ ގޮތުން އީދު ނަމާދުގެ ކުރިން މާލެ އާއި ހުޅުމާލެ 1 އަދި 2 ވެލާނާ އިންޓަނޭޝަނަލް އެއާޕޯޓަށް ފަތިހު 5:30 އާއި ހެނދުނު 6:00 ގައި ބަސްތައް ދަތުރުތައް ބާއްވާނެ ކަމަށް އެ ކުންފުނިން ބުންޏެވެ.
އެމްޓީސީސީން ބުނީ އީދު ދުވަހު ވިލިމާލޭ ބަސް ހިދުމަތުގެ ދަތުރުތައް ހެނދުނު 6:00 އިން ފެށިގެން ހެނދުނު 8:00 އަށް މެދުކަނޑަލާނެ ކަމަށެވެ.
ވިލިމާލެ, ހުޅުމާލެ އަދި ތިލަފުއްޓަށް އީދު ދުވަހު ފެރީގެ ދަތުރުކުރާ ގަޑިތައް:
- މާލެ - ވިލިމާލެ / އީދު ނަމާދުގެ ކުރިން ފަހު ފެރީ: 06:30 ގައި
- މާލެ - ވިލިމާލެ / އީދު ނަމާދަށް ފަހު ފަށާ ފުރަތަމަ ފެރީ: 8:00 ގައި
- ހުޅުމާލެއިން މާލެއަށް ފުރަތަމަ ދަތުރު: 14:00 ގައި
- މާލެއިން ހުޅުމާލެއަށް ފުރަތަމަ ދަތުރު: 14:30 ގައި
- މާލެއިން ތިލަފުއްޓަށް ފުރަތަމަ ދަތުރު: 8:30 ގައި
- ތިލަފުށިން މާލެއަށް ފުރަތަމަ ދަތުރު: 9:00 ގައި
އެމްޓީސީސީން ބުނީ ސީއެފްއެން ލަކުޑި ފެރީ އާއި އަރުޓީއެލް ފެރީ ދަތުރުތައް އީދު ދުވަހަށް ޝެޑިއުލް ކުރެވިފައި ނުވާ ކަމަށެވެ.
