ހުޅުމާލޭ ފޭސް 2 ގައި ގާއިމުކޮށްފައިވާ އެނިމަލް ކެއަރ ފެސިލިޓީ (އޮޅުހިޔާ) ގެ ޝެލްޓަރ ބައި އެއް އަހަރު ދުވަހަށް އެ ވުޒާރާއާ ގުޅިގެން ހިންގާނެ ފަރާތެއް ހޯދުމަށް ދަނޑުވެރިކަމާއި ދިރޭ ތަކެއްޗާއި ބެހޭ ވުޒާރާއިން އިޢުލާން ކޮށްފިއެވެ.
މި ކަމަށް ޝައުގުވެރިވާ ފަރާތްތަކުން މަޢުލޫމާތު ސާފުކުރުމަށް އަންނަ ހޯމަ ދުވަހުގެ 11:00 އަށް އަދި ޕްރޮޕޯސަލް ހުށަހެޅުމަށް ޖޫން 12 ވަނަ ދުވަހުގެ 13:00 އަށް ވެލާނާގެ 7 ވަނަ ފަންގިފިލާއަށް ހާޒިރުވުމަށް އެ ވުޒާރާއިން ވަނީ އެދިފައެވެ.
ދާދި ފަހުން ވަޒީރު ޑރ. މަރިޔަމް މާރިޔާ ވިދާޅުވެފައިވަނީ "އޮޅުހިޔާ" ފެސިލިޓީއަޓީއަށް އަހަރަކު 10.8 މިލިއަން ރުފިޔާ ޚަރަދުވާނެ ކަމަށެވެ. އަދި ފެސިލިޓީގެ ރިކަރަންޓު ޚަރަދަށް އެކަނި ވެސް 1.2 މިލިއަން ރުފިޔާ ޚަރަދުވާނެ ކަމަށް ވަޒީރު ވަނީ ވިދާޅުވެފައެވެ.
Advertisement
ވަޒީރު މާރިޔާ އިތުރަށް ވިދާޅުވެފައިވަނީ މިހާރު ފެސިލިޓީގައި 30 ބުޅާ ގެންގުޅުނު ނަމަވެސް އެ ފެސިލިޓީގެ ޖާގައަކީ 2،000 ބުޅަލަށް ކަމަށެވެ. އެ އަދަދަށް ބުޅާ ގެންގުޅޭ ނަމަ ކޮންމެ ބުޅަލަކަށް 5،416 ރުފިޔާ ޚަރަދުވާއިރު 2،000 ބުޅަލަށް 10.8 މިލިޔަން ރުފިޔާ ޚަރަދުވާނެ ކަމަށް ވަޒީރު ވަނީ ވިދާޅުވެފައެވެ.
