ކޮރަޕްޝަނާއި ފަސާދަ އިތުރުވިޔަނުދިނުމަށް، އެފަދަ ކަންކަމުގައި ޝާމިލުވާ ފަނޑިޔާރުން ވަކިކުރުމަށް ހުށަހެޅޭ މައްސަލަތައް ބަލައި ދިރާސާ ކުރުމަށްފަހު، ސުޕްރީމް ކޯޓުގެ ދެފަނޑިޔާރަކު ވަކިކުރުމާމެދު ގޮތެއް ނިންމުމަށް މިއަދު ރައްޔިތުންގެ މަޖިލީހުގައި އެޖެންޑާ ކޮށްފައިވާތީވެ، ދަނޑިވަޅު ބަލައި އިދިކޮޅު ފަރާތްތަކުން ހަމަނުޖެހުން ހިންގުމަށް ކުރި މަސައްކަތް ފެނަށް ވެއްޖެއެވެ.

އިއްޔެއާއި ރޭއްސުރެ އިދިކޮޅުން ދިޔައީ މިއަދު ހެނދުނު އަޒްމިރާލްދާ އާއި މަހާޒް ސުޕްރީމް ކޯޓުގެ ބެންޗުން ވަކިކުރަން އުޅޭތީވެ އެކަމުގެ ފައިދާ ނަގައި ރައްޔިތުންގެ މަޖިލިސްކުރާ ގޭދޮށަށް ރައްޔިތުން ނެރެ ގައުމު ހަލަބޮލިކޮށްލާށެވެ.

ނަމަވެސް އެތަނަށް މިއަދު ހެނދުނު 10:30 ވީރު ވެސް 10 މީހުންނަށް ވުރެ ގިނަ މީހުން ޕޯސްޓަރު ހިފައިގެން ނާންކަން ނޫސްވެރިން ފާހަގަ ކުރިއެވެ.

^{މިއަދު މަޖިލިސް ދޮށަށް ޕޯސްޓަރުތައް ހިފައިގެން މުޒާހަރާ ކުރަނީ: އެމީހުން ހީކުރި ގޮތާއި ހިލާފަށް މުޒާހާރާގައި ބައިވެރިވުމަށް ޕޯސްޓަރުތައް ނެގީ 10 ވަރަަކަށް މީހުން.}

މޯލްޑިވްސް ޑިމޮކްރެޓިކް ޕާޓިއާއި އެޕާޓީގެ ފިކުރާއި ގުޅިފައިވާ ދަ ޑިމޮކްރެޓްސް އިން ކުރި މަސައްކަތް ނާކާމިޔާބުވީ، ފިތުނަފަސާދަ ކުރުމާއި، މާލެތެރެ ހަލަބޮލިކުރަން ރައްޔިތުނ ބޭނުން ނުވާތީއެވެ.

އެމްޑީޕީން ބުނަމުން އަންނަނީ ފަނޑިޔާރުންނަށް ފިޔަވަޅު އަޅަން ފެށީ މިސަރުކާރުންނެވެ. ނަމަވެސް އޭގެ ހަގީގަތަށް ބަލާއިރު، ފަނޑިޔާރުންމަށް އެންމެ ބޮޑު ބޭއިންސާފާއި ކުރިމަތިލީ އެމްޑީޕީގެ ވެރިކަމުގައެވެ.

އިބްރާހީމް ސާލިހުގެ ވެރިކަމުގައި 2019 އިން 2023 އަށް އެކަނިވެސް 33 ފަނޑިޔާރެއްގެ ދުވަސް ދުއްވާލަން މަސައްކަތް ކޮށްފައި ވެއެވެ. އެހެންކަމުން އެކަމާއި ބިރުން 26 ފަނޑިޔާރުން އެދުވަސްވަރު ވަނީ އަމިއްލައަށް އިސްތިއުފާ ދެއްވާފައެވެ. ބާކީ ތިއްބެވި 7 ފަނޑިޔާރުން އިސްތިއުފާ ނުދެއްވުމުން އެމްޑީޕީން އެ ފަނޑިޔާރުން ވަކިކުރެއްވިއިރު އެ ހުރިހާ ފަނޑިޔާރުން ވެސް ވަކިކޮށްފައިވަނީ ސިޔާސީ ބޭނުމަށާއި، ވަކި މީހެއްގެ މަސްލަޙަތު ޙިމާޔަތް ކުރުމަށެވެ.

މިއަދު ސުޕްރީމް ކޯޓުގެ ދެފަނޑިޔާރުން ވަކިކުރީ ފަނޑިޔާރުންނަށް ނުފޫޒު ފޯރުވަންވެގެން އެފަރާތްތަކުން މަސައްކަތް ކުރިކަން ސާފުކޮށް ފެންނާން އޮތުމުންނެވެ. ނަމަވެސް ދަނޑިވަޅުގެ ބޭނުން ހިފައި އެމްޑީޕީން މިއަދު މަޖިލިސް ދޮށަށް މީހުން އެއްކުރަން މަސައްކަތް ކުރުމުން އެތަނަށް ޕޯސްޓަރު ހިފައިގެން ދިޔައީ 10 މީހުންނެވެ. ހުރިހާ ކަމެއް ދިޔައީ ފެނަށެވެ