ޕާކިސްތާނުން އިންޑިއާގެ އެކި ސަރަހައްދުތަކަށް ބޮޑު ޑްރޯން ހަމަލާއެއް ދީފިއެވެ. "ބުންޔާން އަލް މަރްސޫސް" ގެ ނަމުގައި ކުރިއަށް ގެންދިޔަ މި އޮޕަރޭޝަނުގައި 300 އަށް ވުރެ ގިނަ ޑްރޯން ބޭނުންކޮށްގެން އިންޑިއާގެ ޕަންޖާބު، ރާޖަސްތާން އާން އަދި ޖައްމޫގެ 36 ތަނަކަށް ހަމަލާ ދީފައިވާ ކަމަށް ހަބަރުތައް ބުނެއެވެ. މީގެ ތެރޭގައި އާންމު ރައްޔިތުން ދިރިއުޅޭ ސަރަހައްދުތަކާއި އަސްކަރީ މަރުކަޒުތައް ހިމެނެއެވެ. މިއީ ދެކުނު އޭޝިއާގެ ތާރީޚުގައި ދެވުނު އެންމެ ބޮޑު ޑްރޯން ހަމަލާ ކަމަށް ބެލެވެއެވެ.
ބައެއް މަސްދަރުތަކުން ބުނާ ގޮތުގައި 400އެއްހާ ޑްރޯން ޕާކިސްތާނުން ބޭނުންކުރިއެވެ.
ޕާކިސްތާނުގެ މި ހަމަލާއަށް ރައްދު ދިނުމުގެ ގޮތުން ހިންދުސްތާނުން ވަނީ "އޮޕަރޭޝަން ސިންދޫރު" ގެ ނަމުގައި ޕާކިސްތާނުގެ ރާވަލްޕިންޑީ، ޖަންގް އަދި އެހެނިހެން ސަރަހައްދުތަކުގައި ހުރި އަސްކަރީ މަރުކަޒުތަކަށް ޑްރޯންތަކާއި މިސައިލްތަކުން ހަމަލާ ދީފައެވެ. އަދި ހިންދުސްތާނުގެ އެލް-70 ފަދަ ވައިގެ ދިފާޢީ ނިޒާމުތައް ބޭނުންކޮށްގެން ޕާކިސްތާނުގެ ގިނަ ޑްރޯންތަކެއް ވަނީ ވައްޓާލާފައެވެ.
Advertisement
މި ހަމަލާތަކުގައި މިހާތަނަށް 50 އަށް ވުރެ ގިނަ މީހުން މަރުވެފައިވާ ކަމަށް ވަނީ ރިޕޯޓުކުރެވިފައެވެ. އަދި ދެ ޤައުމުން ވެސް އެއްބަޔަކު އަނެއްބަޔަކަށް އާންމުންނަށް ހަމަލާ ދިން ކަމުގެ ތުހުމަތު ކުރަމުންދާއިރު، ދެގައުމުން ވެސް މަޝްވަރާ ކުރުމަށް ބޭނުން ކަމަށް ހަބަރު ލިބެމުން ދެއެވެ.
މި ހާދިސާއާ ގުޅިގެން ދުނިޔޭގެ ލީށަރުންތައް ވަނީ ކަންބޮޑުވުން ފާޅުކޮށްފައެވެ. އަދި ނިއުކްލިއަރ ހަތިޔާރު އޮތް ދެ ޤައުމުގެ ދެމެދުގައި ހަނގުރާމައެއް ފެށުމުގެ ކުރިން މަޝްރަހު ފިނި ކުރުމަށް އެމެރިކާއިން ވެސް ދަނީ މަސައްކަތް ކުރަމުންނެވެ.
