މިހާރު ކުރިޔަށްދާ އިލާލާ ޓީއެންޓީ ފުޓްސަލް ޗެލެންޖް 2025 ގައި ރޭ ކުޅުނު 8 މެޗުގައި ޖުމްލަ 57 ގޯލް ފެނިއްޖެއެވެ.
ރޭ އެންމެ ގިނަ ގޯލް ފެނުނު މެޗަކީ ސްޕޯޓްސް ކްލަބް ބަފަނަ އާއި ޖަނަވަރީޔަންސް އެފްސީ ބައްދަލުކުރި މެޗެވެ. މި މެޗުގައި ޖުމްލަ 26 ގޯލް ފެނިފައިވާއިރު ބަފަނަ މޮޅުވީ 25-1 ލަނޑުންނެވެ.
މުބާރާތުގެ ފުރަތަމަ މެޗު ވެސް ބަފަނަ ފެށީ 7 ލަނޑުގެ ބޮޑު މޮޅަކުންނެވެ. އެއީ 7-1 އިން ގަލަކްޓިކޯސް ބަލިކޮށްގެންނެވެ.
ރޭ ޖަނަވަރީޔަންސް ކޮޅަށް ބަފަނަ އިން 25 ގޯލް ޖެހިއިރު، ބަފަނައިން ބަލިކުރި ގަލަކްޓިކޯސް ވަނީ ކުރިންރޭ ކުޅުނު މެޗުގައި ޖަނަވަރީޔަންސް ކޮޅަށް 30 ގޯލް ޖަހާފައިކަން ވެސް ފާހަގަ ކުރެވެއެވެ. އެ މެޗު ނިމުނީ 30-1 ލަނޑުން ގަލަކްޓިކޯސް މޮޅުވެގެންނެވެ.
ރޭ ކުޅުނު އެހެން މެޗުތަކަށް ބަލާލާއިރު އެސްސީ ޝެޑޯސް ވަނީ ވަސިލަސް ގެ މައްޗަށް 5-0ކުން ކުރި ހޯދާފައެވެ. ވަސިލަސް އަށް މިހާތަނަށް މޮޅެއް ލިބިފައި ނުވާއިރު މީގެ ކުރިން އެމީހުން ވަނީ ފަސްތަރި އަތުން 2-1 އިން ބަލިވެ، އެމްޕޯރިއަމް އަތުން 4-1 އިން ބަލިވެފައެވެ.
ރޭ ބަފަނަ މެޗަށްފަހު ދެން އެންމެ ގިނަ ގޯލް ފެނުނީ 6 ލަނޑު ޖެހި މެޗުތަކުގައެވެ. އެއީ ގަލަކްޓިކޯ އާއި ލޮތާރި ކުޅުނު މެޗާއި، ޔޫއެން ފްރެންޑްސް އާއި އާކޯން ކުޅުނު މެޗާއި އާރްބީއެލް އާއި ލަ ފެމީލިއާ އެފްސީގެ މެޗެވެ.
ރޭ ކުޅުނު ހުރިހާ މެޗުތަކުގެ ނަތީޖާ
އެސްސީ ޝެޑޯސް vs ވާސިލާސް - 5-0
އެމްޕޯރިއަމް އެސްސީ vs ފަސްތަރި އެފްސީ - 2-1
ސްޕޯޓްސް ކްލަބް ބަފަނަ vs ޖޭއެސްސީ ޖަނަވަރީޔަންސް އެފްސީ - 25-1
ގަލަކްޓިކޯސް vs ކްލަބް ލޮތާރި - 5-1
ޔޫއެން ފްރެންޑްސް vs އާކޮންސް - 1-5
ކްލަބް ޕީކޭ vs ލޮރެންޒޯ ސްޕޯޓްސް ކްލަބް - 2-1
އާރްބީއެލް ސްޕޯޓްސް ކްލަބް vs ލަ ފެމީލިއާ އެސްސީ - 4-2
އެފްސީ އަމީގޯސް vs އަނާކީ - 2-0
މިރޭ ކުޅޭނީ ގްރޫޕް ސްޓޭޖުގައި ކުޅޭ ފަހު މެޗުތަކެވެ.
20:00 ގައި
ޕާކް ސްޕޯޓްސް ކްލަބް vs އަނާކީ ސްޕޯޓްސް ކްލަބް
ޕާކް ބޯއީސް vs ބަގޭސް
21:00 ގައި
ވީއެންޓީ ފުޓްސަލް ވެރިއާސް vs ކިންގްސް ކްރޫ
ދިޔަމިގިލި އެފްޓީ vs ގޫވަލް އެފްސީ
22:00 ގައި
ބްރަދާސް އޮފް ދަ ގްރާންޑޭ އެސްސީ vs ޕީކޭ އެކަޑަމީ
ޓީއެފްޓީ vs ޔުނައިޓެޑް އީސްޓް ކޯސްޓް
