އިއްޔެ ޔަމަނުގެ ހޫޘީން ޓެލް އަވީވްގެ ބެން ގުރިއޮން އެއާޕޯޓަށް ހަމަލާދިނީ ބެލިސްޓިކް މިސައިލެއް ފޮނުވާލާފަ އެވެ. މި މިސައިލް ވަނީ އިސްރާއީލާއި އެމެރިކާގެ ޑިފެންސް ސިސްޓަމްތަކަށް ވެސް ހުއްޓުވާނުލެވިފައެވެ. އެ ދިޔަގޮތަށް ގޮސް، ޓާމިނަލް 3 އަށް އަރައި 8 މީހަކު ޒަޚަމްވެފައިވެއެވެ.

^{އިސްރާއީލް އެއާޕޯޓަށް ހޫޘީން އިއްޔެ ދިން ހަމަލާގެ ވީޑިއޯ އަކުން ނަގާފައިވާ ސްކްރީންޝޮޓެއް.}

މި ހަމަލާގެ ސަބަބުން ވައިގެ ދަތުރުފަތުރަށް ބުރޫއަރައި، ބޮޑެތި އެއާލައިންތަކުން ފްލައިޓް ކެންސަލްވިއެވެ. ސުޕަޕަވަރު ކަމަށް ބުނާ އެމެރިކާއިން ހަތިޔާރާއި ޑިފެންސް ސިސްޓަމްތައް ގެނެސް މުޅި އިސްރާއީލް ވަށައިގެން ރުކުރުވާލައި މުޅި ސަރަހައްދުގަ ވެސް އެންމެ ޓެކްނޮލޮޖީގެ ގޮތުން ކުރިއަރާފައިވާ ގައުމު ކަމަށް މުޅި ދުނިޔެއަށް ދައްކަން އިސްރާއީލުން ކުރަމުންދިޔަ މަސައްކަތް މުޅި ދުނިޔެއަށް ބޭޒާރުވީ ހޫޘީންގެ މިސައިލުންނެވެ. މިކަމުން އެނގެނީ ހޫޘީންގެ މިސައިލް ކެޕޭސިޓީ ބޮޑުވަމުން އަންނަކަމާއި، ހޫޘީންނާއި ގުޅިފައިވާ އީރާނުގެ ޓެކްނޮލޮޖީގެ ކުޅަދާނަ ކަމެވެ.

ހަމައެއާއެކު އިސްރާއީލުން ދަނީ އޭޕްރީލް މަހުގެ 30 ވަނަ ދުވަހު ޖޫޑީއާ ފަރުބަދަތަކުގައި ހިނގި ބޮޑު އަލިފާނުގެ ހާދިސާތަކާއި ވެސް ކުރިމަތިލަމުންނެވެ.

^{އިސްރާއީލްގައި ރޯވެ އަނދަމުންދާ މަންޒަރު ދައްކުވައިދޭ ވީޑިއޯ އަކުން ނަގާފައިވާ ސްކްރީންޝޮޓެއް.}

ގާތްގަނޑަކަށް 6،170 އަކަމީޓަރު އަނދާފައިވާއިރު، 10،000 އަށް ވުރެ ގިނަ ރައްޔިތުން ވަނީ ގެދޮރު ދޫކޮށްލާފައެވެ. މަދުވެގެން 45 މީހަކު ޒަހަމްވެފައިވެ އެވެ. އަލިފާނުގެ ހާދިސާގައި އިންފްރާސްޓްރަކްޗަރަށް ބޮޑެތި ގެއްލުންތަކެއް ލިބިފައިވާއިރު، ބޮޑެތި ހައިވޭތައް ބަންދުކުރުމާއި ގައުމީ ހަރަކާތްތައް މެދުކަނޑާލުން ހިމެނެ އެވެ.

އެއްފަހަރާ ދިމާވި މި މުސީބާތްތަކާއިހެދި މުޅި އިސްރާއީލް ވަނީ ނުކުޅެދިފައެވެ. ރިހޭ ފައިމައްޗަށް ފޮއެ ވެއްޓިފައެވެ.

އިސްރާއީލު ސަރުކާރުން މިހާރު ދަނީ އެމީހުންގެ އެކުވެރި ގައުމުތަކަށް ގުޅައި އެހީއަށް އެދެމުންނެވެ.