ގދ. ތިނަދޫ އާއި ކާޑެއްދޫ ބްރިޖަކުން ގުޅާލައި، ކާޑެއްދޫ އެއާޕޯޓް އިންޓަނޭޝަނަލް ފެންވަރަށް ތަރައްޤީ ކުރުމަށް ސަރުކާރުން ނިންމާފައިވާ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
އިއްޔެ ރައީސް އޮފީހުގައި ބޭއްވުނު ނޫސްވެރިންގެ ބައްދަލުވުމުގައި ރައީސް މުޢިއްޒު ވިދާޅުވީ ގދ. ކާޑެއްދޫގައި ފެންވަރު ރަނގަޅު އިންޓަނޭޝަނަލް އެއާޕޯޓެއް އަޅައި، ބްރިޖަކުން ތިނަދޫއާ ގުޅާލުމަކީ ސަރުކާރުން ކުރިއަށް ގެންދަން ނިންމާފައިވާ ކަމެއް ކަމަށެވެ.
ރައީސް އިތުރަށް ވިދާޅުވި ގޮތުގައި ތިނަދޫ އާއި ކާޑެއްދޫ ގުޅާލުމަށް 3.7 ކިލޯމީޓަރުގެ ބްރިޖެއް އަޅަން ޖެހޭނެއެވެ. .
Advertisement
ކުރީގެ ސަރުކާރުން ވަނީ ތިނަދޫ ފަޅުން ބައެއް ހިއްކައިގެން އެއާޕޯޓެއް އެޅުމަށް އިޢުލާންކޮށްފައެވެ. އެ މަޝްރޫޢުގެ އެމްއޯޔޫގައި ތައިލެންޑުގެ ކުންފުންޏަކާއެކު ދިވެހި ސަރުކާރުން ސޮއިކޮށްފައިވީ ނަމަވެސް، ކޮންޓްރެކްޓް އެއްބަސްވުމުގައި ސޮއިކުރާނީ އެ ކުންފުނީގެ ފަންނީ އަދި މާލީ ޤާބިލުކަން ކަށަވަރުކުރުމަށްފަހު ކަމަށް ކޮންސްޓްރަކްޝަން މިނިސްޓްރީން އޭރު ބުނެފައިވެއެވެ.
މި އައު ޕްލޭނާއެކު، ހުވަދޫ އަތޮޅުގެ ދަތުރުފަތުރުގެ ނިޒާމަށް ބޮޑު ކުރިއެރުމެއް ލިބި، އެ ސަރަޙައްދުގެ އިޤްތިޞާދީ ކުރިއެރުމަށް މަގުފަހިވާނެއެވެ.
