ޒުވާނުން ބާރުވެރިކުރުވުމަށް 551 ކުޅިވަރު މަޝްރޫޢު މިދެއަހަރުތެރޭ ރާވާފައިވާ ކަމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެއެވެ. އެމަނިކުފާނުގެ ތަރައްޤީގެ ޕްލޭންގެ މުހިންމު ބަޔަކީ ޒުވާނުން ބާރުވެރިކުރުވުމެވެ.
ކުރިއަށް އޮތް ދެ އަހަރު ތެރޭގައި ކުޅިވަރާއި ގުޅުންހުރި މިހާ ގިނަ މަޝްރޫޢެއް ރާވާފައިވާއިރު، އޭގެތެރޭގައި ފުޓްސަލް ދަނޑުތަކާއި ކްރިކެޓް ދަނޑުތައް ހެދުމުން ފެށިގެން ރަށްރަށުގައި ދަނޑުތަކާއި މަލްޓި ސްޕޯޓް ކޮމްޕްލެކްސްތައް އަޕްގްރޭޑް ކުރުން ވެސް ހިމެނެއެވެ.
މި މަޝްރޫއުތަކުގެ ސަބަބުން ރާއްޖޭގެ ކުޅިވަރުގެ މޫނުމަތި ބަދަލުވާނެ އެވެ. ރައީސުލްޖުމްހޫރިއްޔާ ފާހަގަކުރެއްވި ގޮތުގައި ވެވުނު ކޮންމެ ވައުދެއް ލިޔެވިގެން މޮނިޓަރކޮށް އެ ވައުދު ތަންފީޒު ކުރުމަކީ މިސަރުކާރުގެ އަމާޒެވެ.
ޒުވާނުންނާއި ކުޅިވަރަށް އިންވެސްޓްކޮށްގެން ރައީސްގެ އަމާޒަކީ އިންފްރާސްޓްރަކްޗާ ބިނާކުރުމުގެ އިތުރުން މުޅި ގައުމުގައި އިތުބާރާއި ހުނަރާއި އެއްބައިވަންތަކަން އުފެއްދުމެވެ.
