ދިވެހިރާއްޖޭގެ އެންމެހާ މަސައްކަތްތެރީންގެ އަގުހުރި މިންނެތް މަސައްކަތް ފާހަގަކުރައްވައި، ދިވެހި މަސައްކަތްތެރީންނަށް ރަނގަޅު މުސްތަޤްބަލެއްގެ އިތުރުން، މަސައްކަތް ކުރައްވަނީ ދިވެހި މަސައްކަތްތެރިން ބާރުވެރިކުރުވުމަށް ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު އަނެއްކާވެސް ކަށަވަރުކޮށްފެއްވައިފިއެވެ.
އެމަނިކުފާނު ވަނީ މިއަދު ފާހަގަކުރާ ދުނިޔޭގެ މަސައްކަތްތެރީންގެ ދުވަހާއި ގުޅިގެން އެކްސް ޕޯސްޓެއް ކުރައްވާފައެވެ.
މިއަހަރުގެ ގައުމީ ތީމް ކަމަށްވާ “ރިވޮލިއުޝަނައިޒިންގ ސްކިލްސް އެންޑް ޓްރޭނިންގ: ބިލްޑިންގ އަ ރެސިލިއަންޓް މޯލްޑިވްސް ވޯކްފޯސް ފޯރ އިންކްލޫސިވް އިކޮނޮމިކް ގްރޯތް”އަށް އިޝާރާތްކުރައްވައި ރައީސް ވަނީ ހަލުވިކަމާއެކު ބަދަލުވަމުން އަންނަ، ބަވަނަ ވަމުންދާ ދުނިޔޭގައި ކޮންމެ ދިވެހި ރައްޔިތަކަށް ހެޔޮ މުސްތަގުބަލެއް ހޯދައިދިނުމަށް އެމަނިކުފާނު މަސައްކަތްކުރައްވާނެކަން ކަށަވަރުކޮށްދެއްވާފައެވެ.
