ވަރަށް ވަރުގަދަ ސައިބަރ ހަމަލާއެއް ޔޫރަޕަށް އަމާޒުވެ ފްރާންސް، ސްޕެއިން އަދި ޕޯޗުގަލްގެ މުހިންމު އިންފްރާސްޓްރަކްޗަރަށް ބުރޫއަރައި ގައުމުތައް ހުއްޓިއްޖެއެވެ. މުޅި ސްޕެއިނުން ކަހަލަ ގޮތަކަށް ކަރަންޓް ކެނޑުމުގެ ސަބަބުން ގާތްގަނޑަކަށް 35،000 ފަސިންޖަރުން ރޭލުތަކުގައު ތާށިވެ، މެޑްރިޑްގެ ބަރަޖާސް އިންޓަނޭޝަނަލް އެއާޕޯޓުން ކަރަންޓް ކެނޑިގެން ދިޔަ އެވެ. ޓެލެކޮމިއުނިކޭޝަން އަދި އިންޓަނެޓްގެ ހިދުމަތްތަކަށް ވެސް އަސަރުކޮށްފައިވެއެވެ.

^{ސައިބަރ އެޓޭކާއި ގުޅިގެން ސްޕެއިން ރައްޔިތުން ރޭ ކަނު އަނދިރީގައި.}

ފްރާންސާއި ޕޯޗުގަލްގައި ވެސް އެއާޕޯޓްތައް ހުއްޓި، ޓްރެފިކް ކޮންޓްރޯލް ސިސްޓަމްތައް ހުއްޓި، ބޭންކިން ހިދުމަތްތައް ވެސް ހުއްޓުނެވެ.

ޔޫރަޕްގެ ގައުމުތަކަށް މި ސައިބަރ އެޓޭކްތައް ނުހުއްޓުވުނުއިރު، އީރާނުން ވަނީ އެގައުމުގެ އިންޓަނެޓް އިންފްރާސްޓްރަކްޗާ އަށް އަމާޒުކޮށްގެން އައި ސައިބަރ ހަމަލާ ނާކާމިޔާބު ކޮށްލާފައެވެ.

ޑިސްޓްރިބިއުޓެޑް ޑިނިއަލް އޮފް ސާވިސް (ޑީޑީއޯއެސް) އެސޯލްޓެއްގެ ގޮތުގައި ފާހަގަކުރެވުނު މި ހަމަލާ ނާކާމިޔާބު ކޮށްލީ އީރާނުގެ "ޑިޖިޓަލް ފޯޓްރެސް" ޑިފެންސް ސިސްޓަމުންނެވެ. އީރާނުން މީގެ ކުރިން ވަނީ ދަތުރުފަތުރާއި ތެޔޮ ކާރުޚާނާތަކަށް އަމާޒުކޮށް ފޮނުވާލި އެތައް ސައިބަރ ހަމަލާތަކެއް ވެސް ނާކާމިޔާބު ކޮށްލާފައެވެ.

ރޭ ކަނު އަނދިރީގައި ތިއްބަސް، ޔޫރަޕްގެ ގައުމުތައް ވެސް މިހާރު ވަނީ ގާތްގަނޑަކަށް އާންމު ހާލަތަށް ރުޖޫއުވެފައެވެ.