ނޭޝަނަލް ޑްރަގް އެޖެންސީ (އެންޑީއޭ) އިން މަސްތުވާތަކެތީގެ ވަބާއިން އަރައިގަނެފައިވާ މީހުން، ފަރުވާ ހޯދަމުންދާ މީހުންނަށް އެހީތެރިވުމުގެ ފުރުޞަތު ހުޅުވާލައިފިއެވެ. މި ފުރުޞަތުގެ ދަށުން، ޑްރަގް ރީހެބިލިޓޭޝަން ސެންޓަރުތަކުގައި ފަރުވާ ދެމުންދާ ޤައިދީންނަށް މަގު ދައްކައިދީ، އެހީތެރިކަން ފޯރުކޮށްދިނުމަށް ހިލޭސާބަހަށް މަސައްކަތްކުރެވޭނެއެވެ.
އެންޑީއޭއިން މަޢުލޫމާތު ދެއްވާފައިވާ ގޮތުގައި، މި ފުރުޞަތު 30 މީހުންނަށް ދިނުމަށް ވަނީ ނިންމާފައެވެ. މި ފުރުޞަތަށް ކުރިމަތިލާ ފަރާތްތަކުގެ ޝަރުތުތަކުގެ ތެރޭގައި ގްރޭޑް 7 ނިންމާފައިވުމާއި، މަސްތުވާތަކެތީގެ ފަރުވާއެއް ފުރިހަމަކޮށް މަސްތުން ސާފުވެފައިވާ މީހަކަށްވުން ހިމެނެއެވެ.
މި މަސައްކަތްކުރުމަށް ޝައުޤުވެރިވާ ފަރާތްތަކުން ސީވީއާއެކު ސިޓީއެއް އެންޑީއޭގެ މެއިލްއަށް ހުށަހެޅުމަށް ވަނީ އަންގަވާފައެވެ. މި ފުރުޞަތު ހުޅުވާލާފައިވަނީ އެންޑީއޭގެ އިތުރުން، ހިންމަފުށި، ހުޅުމާލެ، ސ. ހުޅުދޫ، ގދ. ތިނަދޫ، ސ. ހިތަދޫ އަދި ޏ. ފުވައްމުލަކުގައި ޤާއިމުކޮށްފައިވާ ޑްރަގް ރީހެބިލިޓޭޝަން އަދި ޑިޓޮކްސިފިކޭޝަން ސެންޓަރުތަކަށެވެ.
Advertisement
ސަރުކާރުން ދަނީ މަސްތުވާތަކެތިން އަރައިގަތުމަށް ދެވޭ ފަރުވާގެ ނިޒާމު އިތުރަށް ހަރުދަނާކުރުމަށް ގިނަ މަސައްކަތްތަކެއް ކުރައްވަމުންނެވެ. އެގޮތުން، ފަރުވާ ފުރިހަމަކުރުމަށްފަހު އަނބުރާ މުޖުތަމަޢަށް ނުކުންނަ މީހުންނަކީ ދީނީ ގޮތުން އަޚުލާޤު ރަނގަޅު ބައެއްކަން ކަށަވަރުކުރެވޭނެ ގޮތަށް ފަރުވާ ބައްޓަންކޮށްފައިވާކައިވާކަމަށް ނޭޝަނަލް ޑްރަގް އެޖެންސީން މައުލޫމާތުދީފައިވެއެވެ.
