އިސްރާއީލުގެ އަނިޔާވެރި ހަމަލާތައް ޣައްޒާގައި އިތުރުވަމުންދާ ވަގުތު، އެންމެ އެންމެ ފަހުގެ ހަމަލާތަކުގައި މަދުވެގެން 35 ފަލަސްތީނުން ރައްޔިތުން ޝަހީދުވެއްޖެ ކަމަށް މެޑިކަލް މަސްދަރުތަކުން އަލްޖަޒީރާއަށް މަޢުލޫމާތު ދީފައެވެ.

އދ. އިން ބުނާ ގޮތުގައި މާރިޗު 18 ގައި އިސްރާއީލުން ހަމާސްއާއެކު ވެފައިވާ ހަމަލާ ބަދަލުކުރުންތައް ހުއްޓާލަން ނިމުމަކަށް ގެނައުމަށްފަހު، ގާތްގަނޑަކަށް 500،000 މީހުން ވަނީ އަލަށް ގޭދޮރު ދޫކޮށް ދާން މަޖުބޫރުވެފައެވެ.

ރޭ ފަތިހުން ފެށިގެން އިސްރާއީލުގެ ހަމަލާތައް ވަނީ އިތުރަށް ގަދަވެފައެވެ. އެމެރިކާއިން ދީފައިވާ އިސްރާއީލުގެ ބޯޓުތަކުން ޣައްޒާ ސިޓީގެ ހުޅަނގަށް ވަނީ ހަމަލާދީފައެވެ. އޭގެ ކުޑައިރުކޮޅެއްގެ ތެރޭގައި ޣައްޒާ ސިޓީގެ އިރުމަތީ ސަރަހައްދުތަކަށް ވައިގެ ހަމަލާތައް ދީފައިވާ އިރު، ދެކުނުގައި އިސްރާއީލުގެ އާޓިލަރީ ހަމަލާތައް ވަނީ ރަފާހުގެ އުތުރު ސަރަހައްދުތަކަށާއި ޚާން ޔޫނިސްގެ ސަރަހައްދުތަކަށް އަމާޒުކޮށްފައެވެ.

^{ޒައެނިސްޓް އިސްރާއީލުން ޣައްޒާ ކައިރިން ކަނޑުމަގުން ހަމަލާދިނުމަށް ދަތުރުކުރަމުންދާ ހަނގުރާމަމަތީ މަނަވަރެއް.}

ހައްދުފަހަނައަޅާފައިވާ އިސްރާއީލުގެ ދިފާޢީ ވަޒީރު އިސްރާއީލް ކަޓްޒް ވިދާޅުވީ އެ ގައުމުގެ "ސިޔާސަތު ސާފު" ކަމަށާއި، ޣައްޒާއަށް އެއްވެސް އިންސާނީ އެހީއެއް ނުވައްދާނެ ކަމަށެވެ. އެއީ ހަމާސްއާއި ދެކޮޅަށް ބޭނުންކުރާ "ހަތިޔާރެއް" ކަމަށް ވެސް ޒައެނިސްޓް ކަޓްޒް ވިދާޅުވިއެވެ.

ޣައްޒާގެ ސިއްހީ ވުޒާރާއިން ބުނާ ގޮތުގައި މިހާތަނަށް އިސްރާއީލުގެ ހަނގުރާމައިގައި މަދުވެގެން 51،025 މީހުންގެ ޝަހީދުވެފައިވާ ހަށިތައް ފެނިފައިވާ ކަމަށާއި، 116،432 މީހުން ޒަޚަމްވެފައިވެއެވެ. ނަމަވެސް ޣައްޒާގެ ސަރުކާރުގެ މީޑިއާ އޮފީހުން ވަނީ ޝަހީދުވި މީހުންގެ އަދަދު 61،700 އަށް އަޕްޑޭޓްކޮށްފައެވެ. ޢިމާރާތްތަކުގެ ދަށުގައި އެތައް ދުވަހެއް ވަންދެން ތިބެ ކުނިވެފައިވާ އެތައް ހާސް ބަޔަކު ތިބުމާއި ގުޅިގެން ކަށަވަރުކޮށްފައިވާ ޢަދަދެވެ. އަދި މިޔަށްވުރެވެސް މި ޢަދަދު ވިޔަސް ވާނީ އިތުރެވެ.