މައިނާ އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީބޯޅަ މުބާރާތް 2025ގެ ސެމީ ފައިނަލުގެ މެޗުތައް ފިރިހެން ޑިވިޜަންގެ ކުލަބުތަކުގެ މެދުގައި މިރޭ ފަށަން ތައްޔާރުވެފައިވާއިރު އަންހެން ޑިވިޜަން ސެމީ ފައިނަލުގެ މެޗުތައް މާދަމާ ކުޅޭނެއެވެ.

ފޯރިގަދަ މި މުބާރާތުގެ ފިރިހެން ޑިވިޜަނުގައި ފެކަލްޓީ އޮފް އެޑިއުކޭޝަން (އެފް.އީ)، އެމް.އެން.ޔޫ ބިޒްނަސް ސްކޫލް، ފެކަލްޓީ އޮފް އެންޖިނިއަރިންގ، ސައިންސް އެންޑް ޓެކްނޮލޮޖީ (ފެސްޓް) އަދި އެސް.އެން ވާދަކުރާނެއެވެ.

އެސް.އެން އަދި ފެކަލްޓީ އޮފް އެންޖިނިއަރިންގ، ސައިންސް އެންޑް ޓެކްނޮލޮޖީ (ފެސްޓް) ބައްދަލުކުރާ މެޗު މިރޭ 20:15 ގައި އޮންނާނެ އިރު ފެކަލްޓީ އޮފް އެޑިއުކޭޝަން (އެފް.އީ)، އެމް.އެން.ޔޫ ބިޒްނަސް ސްކޫލް ބައްދަލުކުރާ މެޗު ފަށާނީ މިރޭ 22:15 ގައެވެ.

މުބާރާތުގެ އަންހެން ޑިވިޜަނުގެ ސެމީ ފައިނަލުން ޖާގަ ހޯދާފައިވާ ޓީމުތަކަކީ ސީ.އެފް.އެސް އާއި އެފް.އީ އާއި، އެމް.އެން.ޔޫ ބިޒްނަސް ސްކޫލު އަދި އެސް.އެން އެވެ.

ބުރާސްފަތި ދުވަހުގެ ރެޔަށް ތާވަލު ކުރެވިފައިވާ އަންހެން ޑިވިޜަނުގެ ސެމީ ފައިނަލްގެ މެޗުގެ ފުރަތަމަ ބައްދަލުކުރާނީ އެސް.އެން އަދި އެފް.އީ އެވެ. މި މެޗު 20:00 ގައި ފަށަން ހަމަޖެހިފައިވާއިރު އެމް.އެން.ޔޫ ބިޒްނަސް ސްކޫލް އަދި ސީ.އެފް.އެސް މެޗު ފަށާނީ 22:00 ގައެވެ.

މުބާރާތުގެ ފައިނަލް މެޗުތައް އޮންނާނީ މި މަހު 19 ވަނަ ދުވަހުގެ އެވެ. އަންހެން ޑިވިޜަންގެ ފައިނަލް ހޮނިހިރު ދުވަހުގެ ހަވީރު 16:00 ގައި އޮންނާނެ އިރު ފިރިހެން ޑިވިޜަނުގެ ފައިނަލް ތާވަލު ކުރެވިފައިވަނީ އެ ދުވަހުގެ ރޭ 20:00 އަށެވެ.

މި އަހަރުގެ މުބާރާތުގެ މެއިން ސްޕޮންސަރަކީ މައިނާ އެވެ. މީގެ އިތުރުން ވުޑިކޯ، އޭޕެކްސް، އޮބިއޮން އަދި ދިރާގު ސްޕޮންސަރުންގެ ތެރޭގައި ހިމެނެ އެވެ. މި ފަހަރުގެ މުބާރާތުގެ މީޑިއާ ޕާޓްނަރަކީ ޚުލާސާ އެވެ.