އިސްރާއީލް ޕާސްޕޯޓް މަނާކުރުމާ ގުޅޭ މައްސަލައަށް މިއަދު ގޮތެއް ނިންމާނެ ކަމަށް ރައްޔިތުންގެ މަޖިލީހުގެ ސަލާމަތީ ޚިދުމަތްތަކާ ބެހޭ ކޮމިޓީ (241 ކޮމިޓީ) އިން ބުނެފިއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބޭނުނއގުޅުވަނީ ފަލަސްޠީނުގެ ޙައްޤުގައި ކުރެވެން ހުރި ހުރިހާ ކަމެއް ކުރެއްވުމަށެވެ. ނަ،ަވެސް ރާއްޖޭގެ ސަލާމަތާއި އިސްތިޤްލާލާއި ދިވެހި ރައްޔިތުންނާއި ދޭތެރޭ އެމަނިކުފާނު ވަރަށް ބޮޑަށް ވިސްނާވަޑައިގަންނަވާތީވެ، މިކަމުގައި އެމަނިކުފާނު ގެންދަވަނީ ދެމެހެއްޓެނިވި ހައްލެއް ހޯއްދެވުމަށް މަޝްވަރާ ކުރައްވަމުންނެވެ.

ކޮމިޓީގެ މުޤައްރިރު، އޭދަފުށި ދާއިރާގެ މެންބަރު އަޙްމަދު ސަލީމް ވިދާޅުވި ގޮތުގައި، މި މައްސަލައިގައި ދައުލަތުގެ ފަރާތުން ކުޑަ ތަޢާރުޟެއް އުޅޭތީ، އެކަމާ މެދު ބަންޑާރަ ނައިބާއި މަޝްވަރާކުރުމަށްފަހު މިއަދުގެ 14:00 ގައި އިތުރު ކޮމިޓީ ބައްދަލުވުމެއް ބާއްވައިި، މައްސަލަ ނިންމާނެއެވެ.

މި މައްސަލައިގައި މޯލްޑިވްސް އިމިގްރޭޝަނުން ވަނީ ބިލަށް އިސްލާހެއް ހުށަހަޅާފައެވެ. އެ އިސްލާހުގައި ހުށަހަޅާފައިވަނީ "ރާއްޖެ އެތެެރެވުމުގެ ހުއްދައަށް އެދި އިސްރާއީލުގެ ޕާސްޕޯޓު ހުށަހަޅާ މީހުން" އެކަނި މަނާކުރުމަށެވެ. އިމިގްރޭޝަނުން މި އިސްލާހު ހުށަހެޅި ސަބަބަކީ، ޑުއަލް ސިޓިޒެންޝިޕް އޮންނަ ފަރާތްތަކުގެ ހާލަތަށް ރިޢާޔަތްކުރުމަށެވެ.

އިސްރާއީލް ޕާސްޕޯޓް މަނާކުރުމުގެ މައްސަލަ ފުރަތަމަ ހުށަހެޅުނީ މިދިޔަ އަހަރުގެ ޖޫން މަހޫން މަހުއެވެ. އޭރު ގަލޮޅު ދެކުނު ދާއިރާގެ މެންބަރު މީކާއިލް އަޙްމަދު ނަސީމް ވަނީ އިމިގްރޭޝަން ޤާނޫނަށް އިސްލާހު ގެނައުމަށް ބިލެއް ހުށަހަޅުއްވާފައެވެ. މި ބިލު މަޖިލީހުން ބަލައިގަނެ 241 ކޮމިޓީއަށް ފޮނުވީ 22023 ވަނަ އަހަރުގެ ޖޫން 10 ވަނަ ދުވަހުއެވެ.

މި ބިލަށް ގޮތެއް ނިންމުމުގައި ލަސްވަނީ ވެސް ދެމެހެއްޓެނިވި ހައްލެއް މިކަމުގައި ހޯދުމަށް ސަރުކާރުން ބޭނުންވާތީއެވެ.