ފިޠުރު ޒަކާތުގެ ގޮތުގައި ލިބުނު ފައިސާގެ ތެރެއިން 500،000 ރުފިޔާ ޣައްޒާގެ ކުޑަކުދިންނަށް ހަދިޔާކުރުމަށް އިސްލާމިކް މިނިސްޓްރީން، އިސްރާ އެސޯސިއޭޝަނާ ހަވާލުކޮށްފިއެވެ.
މި ފައިސާ އިސްރާ އެސޯސިއޭޝަނާ ހަވާލުކޮށްފައިވަނީ މިދިޔަ އާދިއްތަ ދުވަހު އިސްލާމިކް މިނިސްޓްރީގެ ޑެޕިއުޓީ މިނިސްޓަރު އަލީ އަހުސަންއެވެ.
އިސްލާމިކް މިނިސްޓްރީން މަޢުލޫމާތު ދިން ގޮތުގައި މި އަހަރު ފިޠުރު ޒަކާތުގެ ގޮތުގައި 13.3 މިލިއަން ރުފިޔާ ލިބިފައިވެއެވެ. މިއީ މިހާތަނަށް ޒަކާތުގެ ގޮތުގައި އެންމެ ގިނަ ފައިސާ ލިބުނު އަހަރެވެ.
Advertisement
މީގެ އިތުރުން، ފަލަސްތީނުގެ ރައްޔިތުންނަށް އެހީތެރިވުމުގެ ގޮތުން ރާއްޖެއިން ވަނީ އިތުރު އެހީތައްވެސް ފޯރުކޮށްދީފައެވެ. މީގެ ތެރޭގައި ދެ މިލިއަން މަސްދަޅު ހަދިޔާކުރުމާއި، "ފަލަސްތީނާއެކު ދިވެހީން" ގެ ނަމުގައި ބޭއްވި ޓެލެތޯނުން ލިބުނު 19 މިލިއަން ރުފިޔާ ހިމެނެއެވެ.
ފޮރިން މިނިސްޓަރު ޑރ. ޢަބްދުﷲ ޚަލީލް ވިދާޅުވެފައިވާ ގޮތުގައި ރާއްޖެއިން ހަދިޔާކުރި މަސްދަޅުތަކުގެ ތެރެއިން ފުރަތަމަ ޝިޕްމެންޓް ކަމުގައިވާ 374,400 މަސްދަޅު މިސްރުގެ ރެޑް ކްރެސެންޓު މެދުވެރިކޮށް 13 ފެބްރުއަރީ 2024 ގައި ޣައްޒާއަށް ވަނީ ފޯރުކޮށްދީފައެވެ.
