ޣައްޒާގެ ކުށެއް ނެތް މުސްލިމު ކުޑަކުދިންނާއި އަންހެނުން ހިމެނޭގޮތަށް މުޅި ނަސްލު ނައްތާލުމަށް ހަނގުރާމަ ކުރަމުންދާ ޔަހޫދީންނަށް ބުޅަލުގެ އާއިލާއަށް ނިސްބަތްވާ ނުރައްކާތެރި ޖަނަވާރެއް ހަމަލާދީ ހަސިފައިންނަށް ބޮޑެތި އަނިޔާދީ ޒަޚަމް ކޮށްލައިފިއެވެ.
އިސްރާއީލް ސިފައިންނަސް ހަމަލާދިން ޖަނަވާރު މިހަރު ވަނީ އިތުރު ތަޙްލީލް ކުރުމަށްޓަކައި ގެންގޮސްފައި. މިއީ އިންސާނުން އުޅޭ ތަންތަނަށް އައިސްއުޅޭ ޖަނަވާރެއް ނޫން.
Advertisement
ޚަބަރުތައް ބުނާ ގޮތުގައި އުތުރު އެފްރިކާ އާއި މެދުއިރުމަތީގެ ޖަންގަލިތަކުގައި ދިރިއުޅޭ ބުޅަލުގެ ނަސްލަށް ނިސްބަތްވާ މެދު ސައިޒުގެ ވަލު ބުޅަލެއް ކަމަށްވާ ވަލު “ކެރަކަލް” އެއް އިސްރާއީލުގެ ހައްދުފަހަނަ އަޅާފައިވާ ސިފައިންނާއި ކުރިމަތިލީ މިސުރުގެ ބޯޑަރު ކައިރީގައި ހުންނަ އިސްރާއީލްގެ އަސްކަރީ މަރުކަޒެއްގައެވެ.
ކަށަވަރު ހަބަރުތައް ބުނާ ގޮތުގައި މި ޖަނަވާރު އިސްރާއީލް ސިފައިންނަށް ހަމަލާދިނީ މައުންޓް ހާރިފް ކައިރީގައި ހުންނަ އިސްރާއީލުގެ އަސްކަރީ މަރުކަޒެއްގައެވެ. އޭތި ވަނީ މިސްރުން ބޯޑަރު ހުރަސްކޮށް އިސްރާއީލުގެ ބިމަށް ވަދެފައެވެ. އެ ޖަނަވާރު ވަނީ އަސްކަރީ މަރުކަޒަކަށް ވަދެ ސިފައިންގެ ބައެއް މީހުންނަށް ހަމަލާދީ، އެމީހުން ޒަހަމް ކޮށްލާފައެވެ.
ނުރައްކާތެރި ވިހަގަދަ އެ ބުޅާ ހަމަލާ ދިނުމުގެ ސަބަބުން އަނިޔާވި ޔަހޫދީންނަށް މިހާރު ގެންދަނީ ބެރްޝެބާގެ ސޮރޯކާ ހޮސްޕިޓަލަށް ގެންގޮސް ފަރުވާ ދެމުންނެވެ.
މިއީ ޢާންމުކޮށް އިންސާނުން ދިރިއުޅޭ ތަންތަނަށް އަންނަ ބާވަތުގެ ޖަނަވާރެއް ވެސް ނޫނެވެ.
މި ޙަމަލާއާއި ގުޅިގެން ސޯޝަލްމީޑިއާގައި ބައެއް ފަރާތްތަކުން ދަނީ އެއީ ހަމާސްއިން ގެންގުޅޭ ތަކެތި ކަމަށް ބުނެ އިސްރާއީލްގެ ސިފައިންނަށް ޖޯކު ވެސް ޖަހަމުންނެވެ.
