ގޭސްޓްރިކަށް ބޭނުންކުރާ އިންޖެކްޝަނެއްގައި ކޮލިޓީގެ މައްސަލަތަކެއް ފާހަގަކުރެވިފައި ވާތީ މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން އެ އިންޖެކްޝަން ވިއްކުން މިއަދު މަނާކޮށްފިއެވެ.
އެމްއެފްޑީއޭ އިން ނެރުނު ބަޔާނެއްގައި ބުނީ “ޕެންޓޮޕް 40 އިންޖެކްޝަން" ނަމަކަށް ކިޔާ މި އިންޖެކްޝަންގައި ކޮލިޓީ މައްސަލަތަކެއް ފާހަގަކުރެވިފައިވާ ކަމަށެވެ.
އެ އިންޖެކްޝަންގެ ބެޗް ނަމްބަރު EMPH243030 ގައި ކޮލިޓީ މައްސަލަތަކެއް ފާހަގަވެ، ރާއްޖެ އެތެރެކުރުމާއި ވިއްކުމާއި ބޭނުން ކުރުމަކީ ވެސް މަނާ ކަމެއް ކަމަށް އެމްއެފްޑީއޭ އިން ބުންޏެވެ.
އެ އިންޖެކްޝަން އެއްވެސް ފާމަސީއެއް ނުވަތަ ޞިއްޙީ ޚިދުމަތްދޭ ތަނެއްގައި ހުރި ނަމަ އެކަން އެ އޮތޯރިޓީއަށް އެންގުމަށް އެމްއެފްޑީއޭން ވަނީ އިލްތިމާސްކޮށްފައެވެ.
ޕެންޓޮޕް 40 އިންޖެކްޝަން ބޭނުންކުރަނީ ބަނޑުގައި ވައި ހެދި ގޭސްޓްރިކް ވުމުގެ މައްސަލަތަކަށެވެ.
