ސުޕްރީމް ކޯޓުގެ ފަނޑިޔާރުންގެ އަދަދު ހަތަކުން ފަހަކަށް މަދުކުރުމަށް ހުށަހެޅި ބިލު ރައްޔިތުންގެ މަޖިލީހުގެ ޖުޑީޝަރީ ކޮމިޓީން މިއަދު ފާސްކޮށްފިއެވެ.

ޖުޑީޝަރީ ކޮމިޓީން މި ބިލު ފާސްކުރީ މިއަދުިއަދު ހަވީރު ބޭއްވުނު އެ ކޮމިޓީގެ ބައްދަލުވުމުގައި ބައިވެރިވި 09 މެންބަރުންގެ ތެރެއިން 07 މެންބަރުންގެ އިއްތިފާގުންނެވެ.

އިދިކޮޅު އެމްޑީޕީގެ މެންބަރުންގެ ތެރެއިން ކޮމިޓީގައި ހިމެނިވަޑައިގަންނަވާ ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލާއި ކެންދޫ ދާއިރާގެ މެންބަރު މައުރޫފް ޒާކިރު ވޯޓު ދެއްވާފައިވަނީ ބިލް ފާސް ނުކުރުމަށެވެ.

ކޮމެޓީގެ ނައިބު މުޤައްރިރު ހުރާ ދާއިރާގެ މެންބަރު އަނާރާ ނައީމް ބިލް ފާސްކުރަން ވަކި ގޮތަކަށް ވޯޓެއް ނުދެއްވަ އެވެ. ހޮޅުދޫ ދާއިރާގެ ޕީއެންސީގެ މެންބަރު އަބްދުއްސައްތާރު މުޙައްމަދު މަޖިލީހަށް ހުށަހެޅުއްވި މި ބިލު މަޖިލީހުން ބަލައިގަތީ މިއަދު ބޭއްވުނު ޖަލްސާގައެވެ. ބިލު ބަލައިގަތުމަށް 64 މެންބަރުން ވޯޓު ދެއްވިއިރު، ބިލު ބަލައިގަތުމާއި ދެކޮޅަށް ވޯޓު ދެއްވީ 12 މެންބަރުންނެވެ.