ހޯމްލޭންޑް މިނިސްޓަރު އަލީ އިހުސާންގެ އިތުބާރު ނެތްކަމުގެ މައްސަލަ އެމްޑީޕީން ރައްޔިތުންގެ މަޖިލީހަށް ހުށަހެޅުމުން، އެ މައްސަލައިގައި އިހުސާނަށް ޖަވާބުދާރީ ވުމުގެ ފުރުޞަތު ދެއްވައި، ދެފަރާތުން ހުށަހެޅި ވާހަކަތަކުގެ މައްޗަށް ބިނާކޮށް، މިނިސްޓަރުގެ މައްޗަށް ފުރިހަމަ އިތުބާރު އެބައޮތް ކަމަށް ނިންމައިފިއެވެ.

އެމްޑީޕީގެ 12 މެންބަރުން ސޮއިކޮށް ހުށަހެޅި މި މައްސަލައިގައި އިހުސާންގެ މައްޗަށް ގިނަ ތުހުމަތުތަކެއް ކޮށްފައިވެއެވެ. މިއަދުގެ މަޖިލިސް ޖަލްސާގައި އިހުސާން ވަނީ އެ ތުހުމަތުތަކަށް ފުރިހަމައަށް ޖަވާބުދާރީވެވަޑައިގެންފައެވެ.

މިނިސްޓަރެއްގެ އިތުބާރު ނެތްކަމަށް މަޖިލީހުން ފާސްވުމަށް 47 މެންބަރުންގެ ވޯޓު ބޭނުންވެއެވެ. މި މައްސަލަ ފާސްކުރުމާއި ދެކޮޅަށް 64 މެންބަރުން ވޯޓު ދެއްވިއެވެ.