ސޮނީ ލިވްގެ މަޝްހޫރު ޓީވީ ޝޯ "ސީއައިޑީ" ގެ ދެވަނަ ސީޒަން ނެޓްފްލިކްސްއިން ދައްކަން ފަށައިފިއެވެ. މި ކްރައިމް ތްރިލާ ޝޯގެ 18 އެޕިސޯޑް ނެޓްފްލިކްސްއިން ސްޓްރީމް ކުރަން ފަށާފައިވަނީ އިއްޔެއެވެ.
ޝިވާޖީ ސަޓަމް، ދަޔާނަންދު ޝެޓީ އަދި އަދިތިޔާ ޝްރިވަސްތާވް ފަދަ މަޝްހޫރު ތަރިން ލީޑް ރޯލުތަކުގައި ފެނިގެންދާ މި ޝޯއަކީ، ކުރިން ސޮނީ ލިވްއިން ޕްރިމިއާ ކޮށްފައިވާ ޝޯއެކެވެ. ގިނަ ފޭނުންތަކެއް ތިބި މި ޝޯގެ ދެވަނަ ސީޒަން ދާދި ފަހުން ވެބް ފޯމެޓަށް އެނބުރި އައުމާއި ގުޅިގެން، ނެޓްފްލިކްސްއިން ވަނީ މި ޝޯ އެ ޕްލެޓްފޯމުގައި ދެއްކުމަށް ނިންމާފައެވެ.
އެގޮތުން ނެޓްފްލިކްސްއިން ވަނީ ކޮންމެ ހޮނިހިރު އަދި އާދީއްތަ ދުވަހެއްގެ ރޭގަނޑު 10:00 ގައި އާ އެޕިސޯޑްތައް ނެރޭނެ ކަމަށް ވެސް އިޢުލާން ކޮށްފައެވެ. މީގެ ކުރިން މި ޝޯ ހަމައެކަނި ސޮނީ ޓީވީ އާއި ސޮނީ ލިވްއިން ބެލެން ހުރި ނަމަވެސް، މިހާރު ނެޓްފްލިކްސް މެދުވެރިކޮށް ވެސް މި ޝޯ ބެލުމުގެ ފުރުޞަތު ހުރިހާ ފަރާތްތަކަށް ލިބިގެންދާނެއެވެ.
