މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް)އިން ލ. އިސްދޫގައި އަސްކަރީ ތަމްރީނުތަކެއް ކުރިއަށް ގެންދަން ނިންމައިފިއެވެ.

އެމްއެންޑީއެފްއިން މަޢުލޫމާތު ދެއްވާފައިވާ ގޮތުގައި، މި ތަމްރީނުތައް ކުރިއަށް ގެންދިއުމަށް ހަމަޖެހިފައި ވަނީ މާދަމާ ހެނދުނު 6:00 އިން ހަވީރު 6:00 އަށެވެ. މި ތަމްރީނުތަކުގައި ސިފައިން ހަތިޔާރާއެކު ހަރަކާތްތެރިވާނެ ކަމަށް އެމްއެންޑީއެފްއިން ބުނެފައިވެއެވެ. ނަމަވެސް، ލައިވް ވަޒަނާއި ގޮވާ ޒާތުގެ ނުރައްކާތެރި އެއްވެސް ބާވަތެއް މި ތަމްރީނުތަކުގައި ބޭނުން ނުކުރާނެ ކަމަށް އެމްއެންޑީއެފުން ބުންޏެވެ.

މީގެ އިތުރުން، މި މަހުގެ 17 ވަނަ ދުވަހު އެމްއެންޑީއެފްއިން ވަނީ ޅ. މާފިލާފުށީގައި އަސްކަރީ ތަމްރީނުތަކެއް ފަށާފައެވެ. ފަސް ދުވަހުގެ މި ތަމްރީނުތައް މި މަހުގެ 21 ވަނަ ދުވަހުގެ ނިޔަލަށް ކުރިއަށް ގެންދާނެއެވެ. މި ތަމްރީނުތަކުގައި ބޭނުންކުރާ ފްލެއަރސް ދަތުރުކުރާނީ ޅ. މާފިލާފުށީގެ ވަށައިގެން 200 މީޓަރ ދުރުމިނަށް އަދި 200 މީޓަރ އުސްމިނަށް ކަމަށް އެމްއެންޑީއެފްއިން ބުނެފައިވެއެވެ.

އެމްއެންޑީއެފްއިން ވަމި މިފަދަ ތަމްރީނުތައް ކުރިޔަށް ގެންދާއިރު އެ ސަރަހައްދުގައި ހަރަކާތްތެރިވާ އާންމުން ސަމާލުވުމަށް އިލްތިމާސް ކޮށްފައެވެ.