ދުނިޔޭގެ މަޝްހޫރުކަން ހޯދާފައިވާ ޖޮވިއަލް ޕްރިމިއަމް ބާސްމަތީ ހަނޑޫ އޯބިޓް ޖެނެރަލް ޓްރޭޑިންގ އިން ރާއްޖޭގެ ބާޒާރަށް ނެރެފިއެވެ.

އޯބިޓް އިން ބުނީ މި ހަނޑުލުގެ އެންމެ ޚާއްސަ ކަމަކީ 1121 ސްޓޭންޑާޑަށް އުފައްދާ ކޮލިޓީ ރަނގަޅު ބްރޭންޑަކަށްވުން ކަމަށާއި، ހަނޑޫ ފުކުގައި 8.4 މިލިމީޓަރު ހުންނަ އިރު ކައްކާލުމުން އޭގެ ދިގުމިން 15 މިލިމީޓަރަށް ދިގުވެގެން ދިއުން ކަމަށެވެ. އެހެންކަމުން މިއީ ދިވެހިން އާއްމުކޮށް ކައްކާއުޅޭ ބިރިޔާނީ، ފްރައިޑްރައިސް އަދި ވަޅޯމަސް ރައިސްއަށް އެންމެ އެކަށީގެންވާ އެއް ބާސްމަތީ ހަނޑޫ ކަމަށް އޯބިޓް އިން ބުންޏެވެ. ހަނޑުލުގެ ހަރުކަމާއި ވަސް ވެސް ޚާއްސަކޮށްފައި ވަނީ މިފަދަ މުހިންމު ހަނޑުލުގެ ޑިޝްތަކަށް ކަމަށް އޯބިޓް އިން ބުންޏެވެ.

ރޯދަމަހާއި ދިމާކޮށް އޯބިޓް އިން ތައާރަފްކުރި ޖޮވިއަލް ބްރޭންޑުން، ގޭގައި ކައްކާ ހަނޑުލުގެ ޑިޝްތަކަށް ވެސް ފުރިހަމަ ކަމެއް ގެނެސްދޭ ޚާއްސަ ހަނޑުލަކަށް ވާނެ ކަމަށް އެ ކުންފުނިން ދެކެއެވެ.

^{ބާސްމަތީ ހަނޑޫ ކައްކާފައި. މި ހަނޑުލުން ކައްކާ ބަތުގައި ތާޒާ މީރު ވަސް އެކުލެވޭ.}

ޖޮވިއަލް ބާސްމަތީ ހަނޑުލަކީ ދަނޑުވެރިން ވަރަށް ފަރުވާތެރިކަމާއެކު ހައްދައި ކޮށައިގެން، ޒަމާނީ ވަސީލަތްތައް ބޭނުންކޮށްގެން ތައްޔާރުކުރާ ހަނޑުލެއް ކަމަށް އޯބިޓް އިން ބުންޏެވެ.

މި ބާސްމަތީ ހަނޑޫ އެތައް ކޮލިޓީއެއްގައި ބަންދުކޮށްގެން ބާޒާރަށް ނެރެއެވެ.

މިއީ އެންމެ މަތީ ފެންވަރުގެ ހަނޑޫ

ބާސްމަތީ ހަނޑުލުން ދޭ މީރު ރަހަ އާއި ވަހުގެ ސަބަބުން މި ހަނޑޫ ވެފައިވަނީ އެންމެ ގިނަ ބަޔަކަށް ކަމުދާ ހަނޑުލަށެވެ. ޖޮވިއަލް ބާސްމަތީ ހަނޑުލުން ދޭ މީރު ވަހާއި ރަހައިގެ ސަބަބުން އެތައް ބަޔަކު ދަނީ ތަފާތު އެތައް ބާވަތެއްގެ ކެއުން ތައްޔާރުކުރުމަށް މި ހަނޑޫ ބޭނުންކުރަމުންނެވެ.

ސިއްޙަތަށް ފައިދާހުރި ނިއުޓިރިޝަން

މި ހަނޑުލުގެ ސިއްޙަތައް ފައިދާހުރި ބައިތަކަށް ބަލާއިރު 0 ގްރާމް ޓޯޓަލްފެޓް، ކޮލެސްޓްރޯލް 0 ގްރާމް ހަކުރު 0 ގްރާމް އަދި ޕްރޮޓީން 04 ގްރާމް ހިމެނިފައިވާކަން ފާހަގަކުރެވެއެވެ.

^{އޯބިޓް އިން ތައާރަފްކުރި ޕްރިމިއަމް ޖޮވިއަލް ބާސްމަތީ ހަނޑުލުގެ ތިން ސައިޒެއްގެ ޕެކު ހިމެނޭ.}

ރޯދަމަހާއި ދިމާކޮށް އޯބިޓް އިން ތައާރަފްކުރި ޕްރިމިއަމް ޖޮވިއަލް ބްރޭންޑުގެ ބާސްމަތީ ހަނޑުލުގެ ތިން ސައިޒެއްގެ ޕެކު ހިމެނެއެވެ. އެގޮތުން އެއް ކިލޯގެ ޕެކަކާއި ފަސް ކިލޯގެ ޕެކް އަދި ދިހަ ކިލޯގެ ޕެކް ހިމެނެއެވެ.

ފަސް ކިލޯގެ ޕެކެއް 146ރ. އަށް ލިބޭ އިރު އެއް ކިލޯގެ ޕެކެއް 29ރ. އަށް ލިބެއެވެ. ރީޓެއިލް ފިހާރަތަކާއި އޯބިޓް ޖެނެރަލް ޓްރޭޑިންގެ ފިހާރަތަކުން އަދި އެތަނުގެ ނަންބަރު 9268222 އަށް ގުޅައިގެން މިހަނޑޫ ލިބެން ހުންނާނެކަމަށް އެ ކުންފުނިން ހާމަކުރެއެވެ.