އިސްރާއީލުގެ ސިފައިން ޣައްޒާއަށް އިތުރު ސިފައިން ގެނެސް، އިސްރާއީލްގެ ތިން މިލިޓަރީ ޑިވިޜަން އަލުން ބަހައްޓައިފިއެވެ.

މިއީ ޖެނުއަރީ 19 ގައި އަމަލުކުރަން ފެށި ހަނގުރާމަ ހުއްޓާލުމުގެ އެއްބަސްވުމުގެ ދެވަނަ ފިޔަވަހި ތަންފީޒުކުރުމުގެ ކުރިން އިސްރާއީލުން އެޅި ފިޔަވަޅެކެވެ.

އިސްރާއީލު ސިފައިންގެ ބަޔާނެއްގައި ބުނެފައިވަނީ 162 ވަނަ، 143 ވަނަ އަދި 99 ވަނަ ޑިވިޜަންތައް ވަނީ "ހުޅަނގު ނެގެވް ސަރަހައްދުގައި ދިރިއުޅޭ އާންމުންގެ ރައްކާތެރިކަން ވަރުގަދަކުރުމަށް" ބަހައްޓާފައި ކަމަށެވެ. މި ފިޔަވަޅު އަޅާފައިވަނީ ހަމާސް އާއެކު ވެފައިވާ ހުއްޓުމުގެ އެއްބަސްވުމުގެ ދެން އަންނަ ފިޔަވަހީގެ ކުރިން ކަމަށް ބުނެފައިވެއެވެ.

އެއްބަސްވުމުގެ ދަށުން، 22 ވަނަ ދުވަހު އިސްރާއީލު ސިފައިން ވާންޖެހެނީ މެދު ގާޒާގެ ނެޓްޒަރިމް ކޮރިޑޯއިން އުތުރާއި ދެކުނު ވަކިކުރާ ސަރަހައްދުން ގާޒާ ބޯޑަރު ކައިރި ސަރަހައްދަކަށް އަނބުރާ ގެންގޮސްފައެވެ.

ބުރާސްފަތި ދުވަހު އިސްރާއީލުގެ މީޑިއާތަކުން ރިޕޯޓުކުރި ގޮތުގައި، ހޮނިހިރު ދުވަހު އިސްރާއީލުގެ މަޝްވަރާ ޓީމެއް ޤަތަރަށް ދަތުރުކޮށް، ހަމާސް އާއެކު މަޝްވަރާތައް އަލުން ފަށާނެއެވެ.

ޖެނުއަރީ 19 ގައި އަމަލުކުރަން ފެށި ހަނގުރާމަ ހުއްޓާލުމުގެ އެއްބަސްވުމާއި ހަމައަށް، އިސްރާއީލުގެ ހަނގުރާމައިގައި ބައިލައްކަ އަށްވުރެ ގިނަ ފަލަސްތީނު މީހުން ޝަހީދުވެފައިވެއެވެ. މީގެ ތެރެއިން ގިނައީ އަންހެނުންނާއި ކުޑަކުދިންނެވެ. މި ހަނގުރާމައިގައި ގާޒާ ވަނީ ބޮޑުތަނުން ހަލާކުވެފައެވެ.

ނޮވެމްބަރު މަހު އިންޓަނޭޝަނަލް ކްރިމިނަލް ކޯޓުން ވަނީ އިސްރާއީލުގެ ބޮޑުވަޒީރު ނެތަންޔާހޫ އާއި ކުރީގެ ދިފާއީ ވަޒީރު ޔޯވް ގަލަންޓްގެ މައްޗަށް ހަނގުރާމައިގެ ކުށްތަކާއި އިންސާނިއްޔަތާއި ދެކޮޅު ކުށްތަކުގެ ތުހުމަތުގައި އަމުރު ނެރެފައެވެ. މީގެ އިތުރުން އިންޓަނޭޝަނަލް ކޯޓް އޮފް ޖަސްޓިސްގައި އިސްރާއީލުގެ މައްޗަށް ނަސްލު ނައްތާލުމުގެ މައްސަލައެއް ވެސް ހިނގަމުންދެއެވެ.