ރައްޔިތުންގެ މަޖިލީހުގެ ފުރަތަމަ ދައުރު ފެށުމަށް ބާއްވާ ޖަލްސާއާއި ގުޅިގެން މަޖިލިސް ވަށައިގެންވާ ސަރަހައްދުގެ މަގުތަކަށް އުޅަނދުފަހަރަށް ނުވަދެވޭނެ ގޮތަށް ވަގުތީ ގޮތުން ބަންދުކުރަން ފުލުހުން ނިންމައި، އެ މަގުތައް އާންމުކޮށްފިއެވެ. މިއަދު ބޭއްވޭ މި ޖަލްސާގައި ރައީސުލްޖުމްހޫރިއްޔާ ރިޔާސީ ބަޔާން އިއްވާނެއެވެ.
ރިޔާސީ ބަޔާން އިއްވާތީ، ޖުމްހޫރީ މައިދާނުން ފެށިގެން އަމީރުއަހުމަދު މަގު، މަޖީދިއްޔާ ސްކޫލާއި ހަމައަށް ބަންދުކުރެވޭނެއެވެ. އަދި މެދުޒިޔާރަތް މަގު ވެސް ސޯސަން މަގުން ފެށިގެން ސިފައިންގެއާއި ހަމައަށް ބަންދުވާނެއެވެ. މީގެ އިތުރުން މަޖިލީހުގެ ފުރަގަހުން އޮންނަ ހިތަށްފިނިވާ މަގާއި މަގުތަކަށް ވަދެވޭ މަދު މަގުތަކެއް ބަންދުވާނެއެވެ. އެއީ އެންމެ 24 މަގެވެ.
ފުލުހުންގެ އެކްސް އެކައުންޓުގައި ވަނީ ރައީސުލްޖުމްހޫރިއްޔާ ރިޔާސީ ބަޔާން އިއްވަވައިދެއްވުމަށް ހަމަޖެހިފައިވާ ރައްޔިތުންގެ މަޖިލީހުގެ ޖަލްސާއާ ގުޅިގެން ރައްޔިތުންގެ މަޖިލިސް އިދާރާ ހިމެނޭ ސަރަހައްދުގެ ޓްރެފިކް ފްލޯއަށް ގެނެވޭ ބަދަލުގެ ޗާޓު ވެސް ޢާންމު ކޮށްފައެވެ.
