ހުޅުމާލޭގައި މިރޭ ހަވާ އަރުވާނެ: އެމްއެންޑީއެފް

ހުޅުމާލޭގައި މިރޭ ހަވާ އެރުވުމަށް ހަމަޖެހިފައިވާކަމަށް މޯލްޑިބްސް ނެޝަނަލް ޑިފެންސް ފޯސް (އެމް.އެން.ޑީ.އެފް)އިން ބުނެފިއެވެ.

ހަވާ އެރުވުމަށް ހަމަޖެހިފައިވަނީ ހުޅުމާލޭ ފޭސް-3 ފަރުކޮޅުފުއްޓައި ދިމާލުން ބޭރު ސަރަހައްދުގައެވެ. އެގޮތުން މިރޭ 20:00 އިން ފެށިގެން 3 މިނެޓުގެ ވަގުތަކަށް ހަވާއެރުވުން ކުރިއަށްދާނެކަމަށް އެމް.އެން.ޑީ.އެފްއިން ބުނެއެވެ.

މިއީ އަމިއްލަ ފަރާތެއްގެ އިވެންޓަކާއި ގުޅިގެން ކުރިއަށްގެންދާ ހަރަކާތެކެވެ. އެމް.އެން.ޑީ.އެފްއިން ވިޔަފާރި އުޞޫލުން އަމިއްލަ ފަރާތްތަކުން ބާއްވާ ތަފާތު ޙަފްލާތަކުގައި މާލެއާއި ބައެއް ރަށްރަށުގައި ހަވާ އަރުވައިދެއެވެ. 

އަދި ރާއްޖޭގައި ފާހަގަކުރާ ބައެއް ހާއްސަ ހަފްލާތަކާއި ދިމާކޮށް ވެސް ހަވާ އެރުވުން ކުރިއަށްގެންދެއެވެ.