ތުރުކިޔޭ ސަރުކާރުން ދިވެހިންނަށް އެ ގައުމުގައި ބެޗްލާސް އާއި މާސްޓާސް ޑިގްރީ އަށް ކިޔެވުމަށް ސްކޮލަޝިޕްތަކަށް ކުރިމަތިލުމުގެ ފުރުސަތު ހުޅުވާލައިފި އެވެ.

މި ސްކޮލަޝިޕް ފުރުސަތުގެ ދަށުން ދެނީ ބެޗްލާސް ޑިގްރީގެ ފުރުސަތަކާއި މާސްޓާސް ޑިގްރީގެ ފުރުސަތެކެވެ.

ހަޔަ އެޑިޔުކޭޝަން މިނިސްޓްރީން ނެރުނު އިއުލާނެއްގައި ބުނީ ބެޗްލާސް ޑިގްރީ އަށް ކުރިމަތިލާ ދަރިވަރުންގެ ހުންނަން ޖެހޭ ޝަރުތުތަކުގެ ތެރޭގައި ޖީސީއީ އޯލެވެލް އިމްތިހާނުގެ ފަސް މާއްދާއިން "ސީ" އިން ފެށިގެން މަތީ ގްރޭޑެއް އަދި އޭލެވެލްގެ ތިން މާއްދާއިން "އީ" އިން ފެށިގެން މަތީ ގްރޭޑެއް ހާސިލުކޮށްފައިވާން ޖެހޭނެ ކަމަށެވެ. އަދި އުމުރުން 21 އަހަރު ވެފައިވާ މީހަކަށް ވާން ޖެހޭނެ ކަމަށް ވެސް ބުންޏެވެ.

މާސްޓަރސް ޑިގްރީއަށް ކުރިމަތިލާ ދަރިވަރުންގެ ޝަރުތުތަކުގެ ތެރޭގައި، ކޯހާއި ގުޅޭ ދާއިރާއަކުން ބެޗްލާސް ޑިގްރީ ހާސިލުކޮށްފައިވުމާއި އުމުރުން 30 އަހަރު ނުވުން ހިމެނޭ ކަމަށް އެ އިއުލާނުގައި ބުންޏެވެ.

މި ސްކޮލަޝިޕްގެ ދަށުން ކިޔެވުމަށް ޝައުގުވެރިވާ މީހުން ތުރުކީ ސްކޮލަޝިޕްގެ އޮންލައިން ޕޯޓަލް މެދުވެރިކޮށް އަންނަ މަހުގެ 18 ވަނަ ދުވަހުގެ ކުރިން އެޕްލިކޭޝަން ހުށަހަޅަން ޖެހެ އެވެ.

ހަޔަ އެޑިއުކޭޝަން މިނިސްޓްރީން ބުނީ ޝަރުތު ހަމަވާ ހުރިހާ ކެންޑިޑޭޓުން މިނިސްޓްރީން ނޮމިނޭޓް ކުރާނެ ކަމަށާއި ފައިނަލް ސެލެކްޝަން ހަދާނީ ސްކޮލަޝިޕް ދޭ ފަރާތުން ކަމަށެވެ.