Addu ge geyeh gai roave andhaifi

ޚުލާސާ

މި ހާދިސާގައި އެއްވެސް މީހަކަށް އަނިޔާ ނުވި ނަމަވެސް، އެ ގޭގެ ވަރަށް ބޮޑު ބައެއް އަނދައި ހުލިވެފައި.

އައްޑޫ ހިތަދޫގެ ގެއެއްގައި މިއަދު ރޯވެ، ގޭގެ ބޮޑު ބައެއް އަނދައި ހުލިވެއްޖެ އެވެ.

އެމްއެންޑީއެފުން ބުނީ ރޯވީ ހިތަދޫ، ގުލްކަނދުގޭގައި ކަމަށެވެ. އެ ގޭގައި ރޯވި ކަމުގެ ރިޕޯޓް ލިބުނީ ހެނދުނު 9:16 ހާއިރު ކަމަށް އެމްއެންޑީއެފުން ބުންޏެވެ.

އެ ގޭގައި ރޯވި އަލިފާންގަނޑު އެމްއެންޑީއެފް ސަދަން އޭރިއާ ކޮމާންޑް، ހިތަދޫ ފަޔާ ސްޓޭޝަނުގެ ފަޔާ ފައިޓަރުން ކުރި މަސައްކަތުން މިހާރު ނިއްވާލާފައިވާ ކަމަށް ވެސް އެމްއެންޑީއެފުން ބުންޏެވެ.