ޣައްޒާގައި ހިނގަމުންދާ ހަނގުރާމަ ހުއްޓާލުމުގެ އެއްބަސްވުމަށް އަމަލުކުރަން ފެށުމުގެ ކުރިން، އިޒްރޭލުގެ ސިފައިން ޣައްޒާގެ އުތުރުގެ ބައެއް ސަރަޙައްދުތައް ރޭ ދޫކޮށްލައިފައެވެ.

މަޢުލޫމާތު ލިބިފައިވާ ގޮތުގައި، އިޒްރޭލު ސިފައިން ދޫކޮށްލާފައިވާ ސަރަޙައްދުތަކުގެ ތެރޭގައި އިންޑޮނޭޝިއާ، ޓެލް އަލް ޒާތަރު، އަދި ބައިތު ލާހިއާގެ ސަރަޙައްދުތައް ހިމެނެއެވެ. ނަމަވެސް، ހަނގުރާމަ ހުއްޓާލުމުގެ އެއްބަސްވުމަށް އަމަލުކުރަން ފެށުމުގެ ކުރިން، އިޒްރޭލު ސިފައިން ވަނީ ހުޅަނގު އައްސޭރީގެ ސިޓީތަކާއި އަވަށްތަކަށް ދޭ ޙަމަލާތައް އިތުރުކޮށްފައެވެ.

އަލްޖަޒީރާ އަރަބިކްގެ ނޫސްވެރިންގެ ރިޕޯޓުތަކުން ދައްކާގޮތުގައި، އިޒްރޭލު ސިފައިން ވަނީ ނަބްލޫސްގެ ބައެއް އަވަށްތަކަށާއި ޝާރްފީ މާރުކޭޓުގައި ހުންނަ ގްރޭންޑް މިސްކިތަށް ވަދެފައެވެ. މީގެ އިތުރުން، ތުލްކަރީމް ގަވަރުނަރޭޓްގެ ޝުފާ، ކަފްރް އަލް ލާބާދު، އަނަބްތާ އަދި ބާލާ އަވަށްތަކަށް ވަދެ އަސްލު ވަޒަން ބޭނުން ކޮށްގެން ހަމަލާ ދީފައިވާ ކަމަށް ވެސް ބައެއް ޚަބަރުތައް ބުނެއެވެ.

ހަނގުރާމަ ހުއްޓާލުމުގެ އެއްބަސްވުމަށް އަމަލުކުރަން ފަށަން ހަމަޖެހިފައިވަނީ ރާއްޖޭގެ ގަޑިން މިއަދު ހެނދުނު 11:30 ގައެވެ. މި އެއްބަސްވުމަށް އަމަލުކުރަން ފެށުމުގެ ކުރިން، ދެފަރާތުން ވެސް އަސްކަރީ ހަރަކާތްތައް ހިންގަމުންދާކަން ފާހަގަކުރެވެއެވެ.