ރާއްޖޭގެ ކަނޑުގެ ސަރަޙައްދުން ބޭރުގެ މަސްބޯޓެއް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން އަތުލައިގެންފިއެވެ.

އެމްއެންޑީއެފް އިން ބުނީ ދިވެހިރާއްޖޭގެ މަސްވެރިކަމުގެ ޤާނޫނާ ޚިލާފަށް ރާއްޖޭގެ ކަނޑުގެ ސަރަޙައްދުގައި ހަރަކާތްތެރިވަމުންދިޔަ ބޭރުގެ މަސްބޯޓެއް ކޯސްޓްގާޑްގެ ބެލުމުގެ ދަށަށް ގެނެސްފައިވާ ކަމަށެވެ.

^{ރާއްޖޭގެ ކަނޑުގެ ސަރަޙައްދުން އެމްއެންޑީއެފް އިން އަތުލައިގެން ސްރީލަންކާގެ މަސްބޯޓު. / ފޮޓޯ: އެމްއެންޑީއެފް}

އެއީ ސްރީލަންކާއަށް ނިސްބަތްވާ ބޯޓެއް ކަމަށާއި، އެ ބޯޓުގައި ހަ މީހުން ތިބި ކަމަށް އެމްއެންޑީއެފް އިން ބުންޏެވެ.

އެމްއެންޑީއެފް އިން ބުނީ އެ ބޯޓު މިހާރު ފުލުހުންނާއި ހަވާލުކޮށްފައިވާ ކަމަށެވެ.