މަދަމާ ހެނދުނު މާލޭގެ ބައެެއް ސަރަޙައްދުތަކުން އެއް ގަޑިއިރަށް ކަރަންޓު ކެނޑޭނެ ކަމަށް ސްޓެލްކޯއިން މިއަދު ބުނެފިއެވެ.

ސްޓެލްކޯ އިން އެކްސްގައި ކުރި ޕޯސްޓެއްގައި ބުނީ ހުޅުމާލޭ ދެވަނަ ފިޔަވަހީގައި ބަހައްޓާފައިވާ 132 ކޭވީގެ ހައިވޯލްޓޭޖް ސަބްސްޓޭޝަން އެނަޖައިޒް ކުރުމަށް ކުރަން ޖެހޭ މަސައްކަތްތަށް ކުރުމުން އަންނަ ކަމަށެވެ،

އެހެންވެ، މަދާމާ ހެނދުނު 06:00 އާއި 08:00 އާއި ދެމެދު އެއް ގަޑިއިރަށް މާލޭގެ ބައެއް ސަރަޙައްދުތަކުން ކަރަންޓުގެ ހިދުމަތް މެދުކެނޑޭނެ ކަމަށް އެ ކުންފުނިން ބުންޏެވެ.

ހުޅުމާލޭގެ ބައެއް ސަރަޙައްދުތަކުން ވެސް އެ ގަޑިތަކުގައި ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއް ކަމަށް ވެސް ސްޓެލްކޯ އިން ބުންޏެވެ.

"ދިމާވާނެ ދަތިތަކަށް މާފަށް އެދެން." ސްޓެލްކޯ އިން ބުންޏެވެ.

ސްޓެލްކޯގެ މެނޭޖިންގ ޑިރެކްޓަރު ހުސެއިން ފަހުމީ ވިދާޅުވީ ކަރަންޓުގެ ޚިދުމަތް މާދަމާ މެދުކަނޑާލަނީ އެ ކުންފުނީގެ ކަރަންޓު ވިއުގާއަށް ވަރަށް ބޮޑު އަޕްގްރޭޑެއް ގެނައުމުގެ މަސައްކަތަށް ކަމަށެވެ.