މި އަހަރަށް ރައްޔިތުންގެ މަޖިލީހުގެ އާ ދައުރުގެ މަސައްކަތް ފެށުމުގެ ގޮތުން ރައީސް ޑރ. މުޙައްމަދު މުޢިއްޒު ރިޔާސީ ބަޔާން އިއްވަން ބާއްވާ ޖަލްސާ އަންނަ މަހު 6 އަށް ތާވަލުކުރަން ނިންމައިފިއެވެ.

މަޖިލީހުގެ އާ ދައުރު އަންނަ މަހު 6 ގައި ފަށަން ނިންމާފައިވާކަން ވަނީ ކަށަވަރުވެފައެވެ.

ޤާނޫނުއަސާސީގެ 84 ވަނަ މާއްދާގައިވާ ގޮތުން ކޮންމެ އަހަރަކު ވެސް މަޖިލީހުގެ ފުރަތަމަ ދައުރުގެ ފުރަތަމަ ޖަލްސާގައި ޤައުމުހެ ޙާލަތު ބަޔާންކޮށްދީ އަދި ޤައުމުގެ ޙާލަތު އިތުރަށް ރަނގަޅުކުރުމަށް ކުރަން ޖެހޭ ކަމަށް ރައިސުލްޖުމްހޫރިއްޔާއަށް ފެނިވަޑައިގަންނަވާ ކަންތަކުގެ މައްޗަށް އެކުލެވޭ ރިޔާސީ ބަޔާނެއް މަޖިލީހުގައި އިއްވަން ވާނެއެވެ.

މަޖިލީހުގެ ޤަވާޢިދުގައި ބުނެފައިވަނީ ރައީސުލްޖުމްހޫރިއްޔާ ރިޔާސީ ބަޔާން އިއްވުމުން މަޖިލީހުގެ މައިނޯރިޓީ ލީޑަރު ރިޔާސީ ބަޔާނަށް ދޭނެ ޖަވާބެއް ތައްޔާރުކޮށް މަޖިލީހަށް ހުށަހަޅަން ޖެހޭ ކަމަށެވެ.

މަޖިލީހުގެ އާ ދައުރު ފެބްރުއަރީ މަހުގެ ފުރަތަމަ ހަފުތާގައި ފަށާއިރު އޭގެ ކުރިން މި މަހުގެ ތެރޭގައި ވެސް ދައުރުން ބޭރުން ދެ ޖަލްސާއެއް ބާއްވަން ވަނީ ނިންމާފައެވެ.