މިހާރު ކުރިމަތިވެގެން އުޅޭ މޫސުމީ ކާރިޘާގައި، މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ކާމިޔާބުކަމާއެކު ވެރިރަށް މާލެއިން 17،000 ޓަނުގެ ފެން ހިއްކައި، އާންމު ހާލަތު އިއާދަކޮށްފިއެވެ.
ރެކޯޑް އަދަދަކަށް ވާރޭ ވެހި ފެން ބޮޑުވި މާލޭގައި މިހާ އަވަހަށް ފެން ހިންދާލައި ޢާންމު ޙާލަތަށް ރުޖޫޢަވީ ޚާއްސަކޮށް ހަތަރު ފުރޮޅުލީ އުޅަނދު ބޭނުން ނުކުރުމަށް ފުލުހުން ދިން ލަފާތަކަށް ތަބާވެ، ފެން ހިއްކުމުގެ މަސައްކަތްތަކަށް ރައްޔިތުންގެ ފަރާތުން ސިފައިން ދިން އެއްބާރުލުމުގެ ސަބަބުންނެވެ.
އަމީނީ މަގާއި ވެސްޓްޕާކް ފަދަ ބޮޑެތި ސަރަހައްދުތަކުގައި، ރޭގަނޑު ދަންވަރު ފެންގަނޑު ކަކުލުގެ އުސްމިނަށް އަރާފައިވެ އެވެ. ނަމަވެސް މެންދަމު 2:30 ހާއިރު، ސަރުކާރުން ކޯޑިނޭޓްކޮށް ކުރި މަސައްކަތުގެ ސަބަބުން، ގެއްލުން ލިބުނު ގިނަ ސަރަހައްދުތައް ވަނީ ފެން ހިންދައި ސާފުކޮށްފައެވެ. އަމީނީ މަގާއި، ބޮޑުތަކުރުފާނު މަގު ފަދަ ކްރިޓިކަލް ޒޯންތަކުގައި ހުރި ފިހާރަތަކާއި، ގެދޮރާއި، މަގުތަކުން ހީކުރި ވަރަށް ވުރެ އަވަހަށް ވަނީ ފެން ހިންދާލާފައެވެ.
މި ކާރިސާ ކުޑަކުރުމުގައި މާލޭގައި ދިރިއުޅޭ ރައްޔިތުންގެ ފަރާތުން ލިބުނު އެއްބާރުލުން މުހިންމު ދައުރެއް އަދާކުރި ގޮތަށް އަލިއަޅުވާލައްވައި އެމްއެންޑީއެފުން ވަނީ އާންމުންގެ ފަރާތުން ލިބުނު އެއްބާރުލުމަށް ޝުކުރު އަދާކޮށްފައެވެ.
