ކައުންސިލްތަކުގެ ޚިޔާނާތުގެ މައްސަލަތަކުގައި އެކަށީގެންވާ ފިޔަވަޅު ނޭޅި، ދެވިފައި ވަނީ ނުބައި މެސެޖެއް ކަމަށް ސިޓީސް، ލޯކަލް ގަވަމަންޓް އެންޑް ޕަބްލިކް ވޯކްސް މިނިސްޓްރީގެ ޑެޕިއުޓީ މިނިސްޓަރު މުޙައްމަދު ޢާރިފް ރޭ ވިދާޅުވެއްޖެއެވެ.

ޕްރައިވެޓް ޗެނަލެއްގައި ވާހަކަދައްކަވަމުން އާރިފް ވިދާޅުވީ، ލާމަރުކަޒީ ގާނޫނުގައި ކައުންސިލްތަކުގެ ޚިޔާނާތުގެ މައްސަލަތަކަށް އުސޫލުތަކެއް ކަނޑައަޅައިފައިވާ ކަމަށެވެ. އެގޮތުން، ކޮންމެ އަހަރަކު ރަށްރަށުގެ ކައުންސިލްތައް ހިނގާ ގޮތް މޮނިޓާ ކުރުމަކީ އަތޮޅު ކައުންސިލްތަކުގެ ޒިންމާއެއް ކަމަށާއި ގާނޫނާ ޚިލާފަށް ދައުލަތުގެ ފައިސާ ބޭނުންކުރާކަން ފާހަގަކޮށް، ލޯކަލް ގަވަމެންޓް އޮތޯރިޓީ (އެލްޖީއޭ)އަށް އަންގަން ޖެހޭ ކަމަށް އޭނާ ވިދާޅުވިއެވެލާމަރުކަޒީ ގާނޫސ ފައިސާ ބޭނުންކުރާކަން ފާހަގަކޮށް، ލޯކަލް ގަވަމެންޓް އޮތޯރިޓީ (އެލްޖީއޭ)އަށް އަންގަން ޖެހޭ ކަމަށް އޭނާ ވިދާޅުވިއެވެ.

އާރިފް ފާހަގަކުރެއްވި ގޮތުގައި، ޚިޔާނާތުގެ ތުހުމަތުގައި ޕީޖީ އޮފީހަށް ފޮނުވި މައްސަލައެއްގައި ވެސް އެކަށީގެންވާ ފިޔަވަޅެއް ނޭޅި ދިޔައެވެ. އޭނާ އިޝާރާތްކުރެއްވީ ރ. ދުވާފަރު ކައުންސިލްގެ ބައެއް މެންބަރުންނާއި މުވައްޒަފުންގެ އަމިއްލަ އެކައުންޓުތަކަށް ދެ މިލިއަނަށް ވުރެ ގިނަ ރުފިޔާ ވަދެފައިވާ މައްސަލައަށެވެ. މި މައްސަލައިގައި ޕީޖީ އޮފީހުން ނިންމީ ދައުވާ ނުކޮށް ނަސޭހަތުގެ އެއްބަސްވުން ހެދުމަށެވެ.

އާރިފް އިތުރަށް ފާހަގަކުރެއްވި ގޮތުގައި، މި ފަހުން ހދ. އަތޮޅު ކައުންސިލުން ބެންކޮކަށް ކުރި ދަތުރާއި އއ. މާޅޮހު ކައުންސިލުން ބައިމިލިއަނެއްހާ ރުފިޔާ ގެއްލިފައިވާ މައްސަލަތަކުގައި ވެސް ފިޔަވަޅު އަޅަން އަންގާފައިވެއެވެ. މި މައްސަލަތަކުގައި އެކަށީގެންވާ ފިޔަވަޅު އެޅުމަކީ މުހިންމު ކަމެއް ކަމަށް އޭނާ ވިދާޅުވިއެވެ.