ލުބުނާނުގެ ދެކުނުގައި އިސްރާއީލުގެ ޑްރޯން ހަމަލާއަކުން މިއަދު ތިން މީހަކަށް އަނިޔާވެއްޖެއެވެ.
މިއީ އިސްރާއީލާއި ހިޒްބުالله އާއި ދެމެދު ހަނގުރާމަ ހުއްޓާލިތާ އެއް ދުވަސް ނުވަނީސް އަނެއްކާވެސް ފިތުނަތައް އިތުރުވުން ކަމަށް ފާހަގަކޮށްލެވެއެވެ.
އިސްރާއީލުން ހިޒްބުاللهއާއި ހަނގުރާމަ ނުކުރިޔަސް، ލުބުނާނަށް ބޭނުންވެއްޖެ ކޮންމެ ޙާލަތެއްގައި ޙަމަލާ ދޭނެކަމަށް މީގެ ކުރިން ވެސް ވަނީ ބުނެފައެވެ.
Advertisement
އިސްރާއީލުން މިއަދު ދިން މި ހަމަލާ އަމާޒުވީ މަކާބާ އަވަށުގައި ދަތުރުކުރަމުންދިޔަ އުޅަނދެއްގެ މައްޗަށް ކަމަށް ޚަބަރުތައް ބުނެއެވެ.
އިސްރާއީލާއި ހިޒްބުاللهގެ "އެކްޓިވް" ހަނގުރާމަ ހުއްޓާލާފައިވީނަމަވެސް ދެފަރާތުގެ ކޯޅުންތައް އަދި ހައްލެއް ނުވެއެވެ. ހަނގުރާމަ ހުއްޓާލާފައިވަނީ އިސްރާއީލަށް ބޮޑެތި ގެއްލުންތަކެއް ލިބި، ހިޒްބުاللهއާ ދެކޮޅަށް އެގައުމުގެ މަގުސަދުތައް ހާސިލް ނުކުރެވުމުންނެވެ. ޣައްޒާގައި ފަލަސްތީނުގެ ރައްޔިތުންނަށް ތާއީދުކުރުމުގައި ރެސިސްޓެންސް މޫވްމަންޓުން މުހިންމު ދައުރެއް އަދާކުރިއިރު، ހަޒްބުالله އިން އިއުލާން ކުރީ ހަމާސްއާއެކު އޮތް ކަމަށެވެ. ނަމަވެސް އިސްރާއީލަށް ސީދާ ޙަމަލާ ދޭނެ ވާހަކައެއް ހިޒްބުالله އަކުން ނުބުނެއެވެ.
މީގެ އިތުރުން އިސްރާއީލުގެ އަސްކަރިއްޔާއިން ލުބުނާނުގެ ދެކުނުގެ ރައްޔިތުންނަށް އިންޒާރެއް ނެރެ، ޝެބާ، މާޖެޔޫން، އަދި މަންސޫރީ ފަދަ ބޯޑަރު ސަރަޙައްދުގެ 10 ރަށަކަށް ޢާންމުން އެނބުރި އައުން ވަނީ މަނާކޮށްފައެވެ.
ލުބުނާނުގެ އަސްކަރިއްޔާއިން ވެސް ވަނީ މި ސަރަހައްދުތައް ރައްކާތެރި ނޫން ކަމަށް ބުނެފައެވެ.
