ސުކޫލުތަކަށް އަމާޒުކޮށްގެން ބާއްވާ މައިލޯ އިންޓަ ސްކޫލް ވޮލީބޯޅަ މުބާރާތް މިއަދު ފަށައިފިއެވެ.

މުބާރާތުގައި އަތޮޅު ތެރެއިން 24 ސުކޫލަކުން 49 ޓީމުން ބައިވެރިވެފާވައިރު މާލެ އިން 12 ސުކޫލަކުން 31 ޓީމުވަނީ ބައިވެރިވެފައެވެ.

10 އަހަރަގު މެދުކެނޑުމަކަށް ފަހު މިދިޔަ އަހަރު އަލުން ފަށާފައިވާ މި މުބާރާތުގައި މާލޭ ސްކޫލްތަކާއި، އަތޮޅު ތެރެއިން ބައިވެރިވި ސްކޫލްތައް ކުޅޭނީ ވަކިން ކަމަށް ވީއޭއެމް އިން މަޢުލޫމާތު ދެއެވެ.

މި މުބާރާތުގައި އަތޮޅު ތެރޭ ސްކޫލުތަކުން މެޗުތައް ކުޅެން ޕޮލިސް ކޯޓު ހަމަޖައްސާފައިވާއިރު، މާލޭ ސްކޫލުތަކުގެ މެޗުތައް ކުޅުމަށް ހަމަޖައްސާފައިވަނީ މާފަންނު ކުޅިވަރު އެކުވެނީގައިވާ ވޮލީ ކޯޓުތަކުގައެވެ.