މިއަދު ކުރިޔަށްދާ ކޮންގްރެސްޕާޓީގެ އެތެރޭގެ އިންތިޚާބުގެ ވޯޓުލުން ދަނީ ވަރަށް އޮމާން ކޮށް ކަމަށް ޕީއެންސީން ބުނެފިއެވެ.

ވޯޓާއި ގުޅިގެން އެއްވެސް ސަރަޙައްދެއްގައި އަދި ވޯޓުލާ އެއްވެސް މަރުކަޒެއްގައި އެއްވެސް ބާވަތެއްގެ ހަމަނުޖެހުމެއް ނުހިނގައެވެ.

ގިނަ ބަޔަކު އުފަލުން ވޯޓު ލުމަށް ގޮސްފައިވާއިރު، ޚާއްޞަކޮށް މާލޭގައި ވަރަށް ކިއު ބޮޑުކަން ފާހަގަ ކުރެވެއެވެ. ކިއުގައި ތިބުމުން ވޯޓުލާ ވަގުތު ތިނެއް ޖެހުމާއި ހަމައަށް އިތުރުކޮށްފައިވާކަން ވެސް ފާހަގަކޮށްފައެވެ.

^{ސަރުކާރު ހިންގާ ޕްރޮގްރެސިވް ޕާޓީ އޮފް މޯލްޑިވްސް (ޕީއެންސީ)ގެ ބައެއް އިސް ވެރިން މިއަދު ދަރުބާރުގޭގައި - އިންތިޚާބު ކުރިޔަށްދަނީ ވަރަށް އޮމާންކޮށް.}

ކޮންގްރެސް ޕާޓީގެ އިންތިޚާބު މި ގޮތަށް އޮމާންކޮށް ދާއިރު ފާހަގަކޮށްލެވޭ ކަމަކީ މީގެކުރިން ފެނުނު ގިނަ ޕާޓީތަކުގެ އެތެރޭގެ އިންތިޚާބުތަކުގައި ބޮޑެތި މައްސަލަތައް ޖެހި އެއްބަޔަކު އަނެއް ބަޔަކާއި އަރައިރުންވެފައިވާކަމެވެ.

ޕީއެންސީ އޮފީހުން ބުނީ ވޯޓުލާ ވަގުތު ހަމަވުމާއެކު ވޯޓު ގުނުމުގެ މަސައްކަތް ފަށާނެކަމަށެވެ.