އިސްރާއީލުން ޣައްޒާގެ އުތުރުގައިވާ ދެ ސަރަޙައްދަކަށް ދިން ވައިގެ ޙަމަލާތަކުގައި 88 ފަލަސްޠީނުގެ ކުށެއް ނެތް ޢާންމުން ޝަހީދުވެއްޖެއެވެ. އިއްޔެއާއި ރޭ ދިން މި ޙަމަލާތަކުގައި ބައިތު ލަހިޔާގައި 66 މީހުން ޝަހީދުވިއިރު، ޝައިޚް ރަޟްވާން ސަރަޙައްދުގައި 22 މީހުން ޝަހީދުވެފައިވެއެވެ. ޝައިޚް ރަޟްވާންގައި ޝަހީދުވި މީހުންގެ ތެރޭގައި މަދުވެގެން 10 ކުޑަކުދިން ހިމެނެއެވެ.
ފަލަސްޠީނުގެ މީޑިއާތަކުން ރިޕޯޓުކުރާ ގޮތުގައި، މި ޙަމަލާތަކުގައި އެތައް ބަޔަކު ޒަޚަމްވެފައިވެއެވެ. އަދި ބައިތު ލަހިޔާ ސަރަޙައްދަށް އިސްރާއީލް ހަނގުރާމަވެރި ސިފައިން ވަރަށްގަދައަށް ހެލިކޮޕްޓަރުތަކުން އެ ސަރަޙައްދަށް ހުއްޓުމެއްނެތި ބޮން އެޅިއެވެ.
އިސްރާއީލުން ޣައްޒާއަށް މި ލާއިންސާނީ ޙަމަލާތައް ދޭން ފެށީ 2023 ވަނަ އަހަރުގެ އޮކްޓޯބަރު 7 ވަނަ ދުވަހުއެވެ. އެއީ ޙަމާސް ރެޒިސްޓަންސް ގްރޫޕުން އިސްރާއީލަށް ޙަމަލާދިން ދުވަހެވެ. ޙަމާސްގެ މި ޙަމަލާއަކީ ފަލަސްޠީނުގެ ރައްޔިތުންނާ ދެކޮޅަށް އިސްރާއީލުމް ހިންގަމުންދާ އަނިޔާވެރި ޢަމަލުތަކަށް ރައްދު ދިނުމުގެ ގޮތުން ދިން ޙަމަލާއެކެވެ.
Advertisement
ޣައްޒާގެ ޞިއްޙީ ވުޒާރާއިން ބުނާ ގޮތުގައި، މި ޙަމަލާތަކުގައި މިހާތަނަށް މަދުވެގެން 43،985 ފަލަސްޠީނު ރައްޔިތުން ޝަހީދުވެފައިވެއެވެ. މީގެ ތެރެއިން ގިނައީ އަންހެނުންނާއި ކުޑަކުދިންނެވެ. އަދި 104،092 މީހުން ޒަޚަމްވެފައިވެއެވެ.
މިހާރު ދުނިޔޭގެ ޢަދުލު އިންސާފުގެ ކޯޓުގައި (އައި.ސީ.ޖޭ) އިޒްރޭލާ ދެކޮޅަށް ދަޢުވާ އުފުލައި ނަތަންޔާހޫ ހައްޔަރު ކުރުމަށް ވަނީ އަމުރުވެސް ނެރެފައެވެ.
