ރައްޔިތުންގެ މަޖިލީހުގެ މެންބަރުން ޕާޓީ ބަދަލުކުރުމުން ނުވަތަ ޕާޓީން ވަކިކުރުމުން ގޮނޑި ގެއްލޭ ގޮތަށް ޤާނޫނު އަސާސީއަށް ހުށަހަޅާފައިވާ އިސްލާޙާ ގުޅިގެން އިދިކޮޅު މައި ޕާޓީ އެމްޑީޕީގެ މަދު ބަޔަކު ޤައުމު ހަލަބޮލިކޮށްލުމަށް މަސައްކަތްކުރަމުންދާއިރު، އިސްލާޙު ހުށަހެޅި މެންބަރު ނިސްބަތްވާ ޕީއެންސީން ގޮވާލަމުންދަނީ ހަމަޖެހުން ނަގާނުލުމަށެވެ.
މިވަގުތު ދެ ޕާޓީއަށް ނިސްބަތްވާ މެންބަރުން އަންނަނީ މަޖިލިސްކުރާ ގޭގެ ސަރަޙައްދަށް އެއްވެ އަޑުއުފުލަމުންނެވެ. އެމްޑީޕީގެ މަދު ބަޔަކު ބުނަމުންދަނީ ޤާނޫނުއަސާސީއަށް މި އިސްލާޙު ހުށަހެޅުން އަވަސް އަރުވާލައިގެން ކުރިއަށް ގެންދިއުމަކީ ބަލައިގަނެވޭނެ ކަމެއް ނޫން ކަމަށެވެ.
އެހެންނަމަވެސް، ޕީއެންސީގެ މެންބަރުން ވިދާޅުވަމުންދަނީ ޕާޓީ ބަދަލުވުމުން ގޮނޑި ގެއްލޭގޮތަށް އެމްޑީޕީން 19 ވަނަ މަޖިލީހުގައި ޤާނޫނެއް ފާސްކޮށް، އޭރު އެކަމަށް ތާއީދުކޮށްފައިވާއިރު، މިހާރު ޕީއެންސީން އެ މަސައްކަތް ކުރުމުން ދެކޮޅު ހެދުމަކީ ދެފުށް ދެގޮތް ކަމެއް ކަމަށެވެ.
Advertisement
މި އިސްލާޙު ހުށަހަޅާފައިވަނީ މަޖިލީހުގެ ހުޅުދޫ ދާއިރާގެ މެންބަރު މުޙައްމަދު ޝާހިދެވެ.
މި އިސްލާޙާ ގުޅިގެން ދެ ޕާޓީގެ މެދުގައި އުފެދިފައިވާ ޚިޔާލު ތަފާތުވުންތަކުގެ ސަބަބުން މަޖިލީހުގެ މާޙައުލު ވަނީ ހޫނުވެފައެވެ. ނަމަވެސް، ޕީއެންސީން ވަނީ ހަމަޖެހުމާއެކު މައްސަލަ ހައްލުކުރުމަށް ގޮވާލާފައެވެ.
