މެންބަރުންނަށް "ބޮޓުން" ކަމަށް ދޭހަވާ ގޮތަށް މުޚާތަބު ނުކުރުމަށް އެދިވަޑައިގެން ގަލޮޅު ދެކުނު ދާއިރާގެ އެމްޑީޕީގެ މަޖިލިސް މެމްބަރު މީކާއިލް އަޙްމަދު ނަސީމަށް ރިޔާސަތުން ނަސޭޙަތް ދެއްވައިފިއެވެ.

މީކާއީލްގެ ބަސްމަގު ހުންނެވި ގޮތުން މަޖިލީހުގެ މިދައުރުގެ 20ވަނަ ޖަލްސާގައި ރިޔާސަތު ބެލެހެއްޓެވި އެ މަޖިލީހުގެ ރައީސް ޢަބްދުއްރަހީމް ޢަބްދުﷲ ވިދާޅުވީ އެއީ މެންބަރުންގެ ޢިއްޒަތާއި ކަރާމާތަށް އުނިކަމެއް އަންނާނެ ކަމެއް ކަމަށެވެ.

މި މައްސަލަ ކުރިމަތިވީ އިޒްރޭލް ޕާސްޕޯޓު މަނާކުރުމާއި ގުޅޭ ޤަރާރުގެ ބަހުސްގައި، ސަރުކާރަށް ނިސްބަތްވާ މެންބަރުން ޢަމަލުކުރައްވަނީ "ސިޔާސީ ޕާޓީއެއްގެ ބޮޓުންނަށް" ވެގެން ކަމަށް އެމްޑީޕީ މެންބަރު މީކާއިލް އަހުމަދު ނަސީމް ދެއްކެވި ވާހަކަފުޅާއި ގުޅިގެންނެވެ.

މީކާއިލްގެ މި ބަސްމަގު ބޭނުންކުރެއްވުމުން، މަޖިލީހުގެ ރައީސް ޢަބްދުއްރަހީމް ވަނީ އެފަދަ ޢިބާރާތްތައް ބޭނުންނުކުރެއްވުމަށް އިލްތިމާސްކުރައްވާފައެވެ. ޢަބްދުއްރަހީމް ވިދާޅުވީ މިއީ މަޖިލީހުގެ މެންބަރުންގެ ޢިއްޒަތާއި ކަރާމާތަށް އެރުން ކަމުގައެވެ.

މީކާއިލްގެ ވާހަކަފުޅުގައި ސަރުކާރަށް ނިސްބަތްވާ މެންބަރުން އިޒްރާއީލްގެ ޕާސްޕޯޓުގެ މައްސަލައިގެ ބަހުސްގައި ބައިވެރިނުވުމަށް ސަރުކާރުން އަންގާފައިވާ ކަމަށް ވިދާޅުވި ނަމަވެސް، މިއީ ސާބިތުނުހިފޭ ތުހުމަތެއް ކަމަށް ފާހަގަކުރެވުރެވެއެވެ. އަދި މިފަދަ ބަަސްމަގު ބޭނުންކުރެއްވުމަކީ މަޖިލީހުގެ ޤަދަރަށް އުނިކަމެއް އަތުވެދާނެ ކަމެކެވެ.