ގދ. ވާދޫން އެ އަތޮޅު ތިނަދޫ ސިޓީއަށް ދަތުރުކުރި އާރުޓީއެލް ފެރީއެއްގެ ތެރޭގައި ބިދޭސީ އަންހެނަކު ވިހައިފިއެވެ. ޚުލާސާ ނޫހަށް ވާދޫގެ ރައްޔިތަކު މަޢުލޫމާތު ދިން ގޮތުގައި، ދުވަސް ނުފުރާ ވިހާފައި ވަނީ ވާދޫ ޖަމާލުއްދީން ސްކޫލްގައި މަސައްކަތްކުރަމުން އަންނަ އިންޑިއާ ޓީޗަރެކެވެ.
މި އަންހެން މީހާ ވިހެއީ ބަނޑަށް 17 ހަފްތާގައެވެ. އަދި ވިހެއި އިރު ކުއްޖާ މަރުވެފައިވާ ކަމަށް ވެސް މަޢުލޫމާތު ލިބިފައިވެއެވެ.
މި އަންހެން މީހާ ދަތުރުކުރީ ތިނަދޫގައި ހުންނަ ޑރ. އަބްދުއްސަމަދު މެމޯރިއަލް ހޮސްޕިޓަލަށް ޑޮކްޓަރަށް ދެއްކުމަށެވެ. މިއަދަކީ މޫސުން ގޯސް ދުވަހަކަށް ވުމާއެކު، ދަތުރުކުރުން އެހާ ރައްކާތެރި ނޫންކަމަށް އޭނާއަށް ލަފާ ދިން ނަމަވެސް، އޭނާ ބޭނުންވެފައިވަނީ ތިނަދޫއަށް ދިއުމަށެވެ.
Advertisement
އޭނާއާ އެކުގައި އެހީތެރިއެއްގެ ގޮތުގައި ޑޮކްޓަރަކާއި ނަރުހަކު ވެސް ހަމަޖެއްސިއެވެ. މިހާރު އެ އަންހެން މީހާ ވަނީ ތިނަދޫ ޑރ. އަބްދުއްސަމަދު މެމޯރިއަލް ހޮސްޕިޓަލަށް ގެންގޮސްފައެވެ. އަދި އޭނާގެ ޙާލު ރަނގަޅު ކަމަށް މަޢުލޫމާތު ލިބިފައިވެއެވެ.
