ޔުވެންޓަސް ފުޓްބޯޅަ ކްލަބުން އައު ކުޅުންތެރިން ގެނައުމަށް މަގުފަހިކުރުމަށްޓަކައި، މިހާރު ޓީމުގައި ތިބި ތިން ކުޅުންތެރިން ޖެނުއަރީ މަހުގެ ޓްރާންސްފަރ މާކެޓުގައި ވިއްކާލަފާނެ ކަމަށް އިއްޔެގެ ރިޕޯޓުތަކުގައި ބުނެފިއެވެ.

ކްލަބުގެ ރެކްރޫޓްމަންޓް ޓީމުގެ ވެރިޔާ ކްރިސްޓިއާނޯ ޖިއުންޓޯލީ އާއި އޭނާގެ ޓީމުން ޖެނުއަރީ މަހުގައި މަދުވެގެން ދެ ކުޅުންތެރިން ގެނައުމަށް އުންމީދުކުރާކަމަށް ބުނެއެވެ. ގްލެއިސަން ބްރެމަރ އަދި ޖުއާން ކަބާލްއަށް ކުރިމަތިވި އޭސީއެލް އިންސީއެލް އިންޖަރީއާ ގުޅިގެން، މަދުވެގެން އެއް ޑިފެންޑަރަކާއި އިތުރު އެޓޭކަރެއް ގެނައުމަށް ކްލަބުން ބޭނުންވެއެވެ.

ރިޕޯޓުތަކުގައި ބުނާގޮތުން، ޖުވެންޓަސްއިން ވިއްކާލަން ތައްޔާރުވާ ކުޅުންތެރިންގެ ތެރޭގައި ހިމެނެނީ:

1. ސެމުއެލް މްބަންގުލާ: ނެކްސްޓް ޖެން ގްރެޖުއޭޓް އަދި ފަހުން ބެލްޖިއަމް ގައުމީ ޓީމަށް ހޮވުނު މި ކުޅުންތެރިޔާ 2024-25 ސީޒަނުގައި ސީނިއަރ ޓީމަށް ބަދަލު ކުރިއެވެ.

2. އާތަރ މެލޯ: ކުރީގެ ބާސެލޯނާ ކުޅުންތެރިޔާ ވިއްކާލުމަށް ކްލަބުން ކުރިންވެސް މަސައްކަތްކޮށްފައިވެއެވެ.

3. ޑަނީލޯ: ކެޕްޓަން ޑަނީލޯގެ ކޮންޓްރެކްޓް އަވަހަށް ހަމަވާނެކަމަށް ބެލެވޭއިރު، އޭނާގެ މުސާރަ އެހެން ގޮތަކަށް އިންވެސްޓްކުރުމަށް ކްލަބުން ބޭނުންވެއެވެ.

ނަމަވެސް މި ބަދަލުތަކާ ގުޅޭގޮތުން ކްލަބުން އަދި ރަސްމީ ބަޔާނެއް ނެރެފައެއް ނުވެއެވެ.