ރިޔާޟުގައި އިއްޔެ ބޭއްވުނު އެކުވެރި އަރަބި-އިސްލާމީ ސަމިޓުގައި ދިވެހިރާއްޖޭގެ ރައީސް ޑރ. މުޙައްމަދު މުޢިއްޒު، ފަލަސްޠީނު ރައްޔިތުންގެ އެތައް އަހަރެއް ވަންދެން ދެމިގެންދާ ވޭނަށް ނިމުމެއް ގެނައުމަށް ވަގުތުން ފިޔަވަޅު އެޅުމަށް ބައިނަލްއަޤްވާމީ މުޖުތަމަޢަށް ގޮވާލައްވައިފިއެވެ.

ރައީސް މުޢިއްޒު ދެއްވި ޚިތާބުގައި އިސްރާއީލުގެ ޢަމަލުތަކަކީ "އަނިޔާވެރި އޮކިއުޕޭޝަނަކާއި ހިނގަމުންދާ ނަސްލު ހަލާކުކުރުމެއް" ކަމުގައި ވިދާޅުވެ އެޢަމަލުތައްް ކުށްވެރިކުރައްވައި، ފާއިތުވި އަހަރު ތެރޭގައި 50،000 އާ ގާތްކުރާ ފަލަސްޠީނު ރައްޔިތުންގެ ފުރާނަ ގެއްލުނު އަނިޔާވެރިކަން ހުއްޓުވުމުގެ މުހިންމުކަން ފާހަގަކުރެއްވިއެވެ.

މި ބޮޑު ހިތާމަވެރި ކަންތައް ހިނގަމުންދާއިރު ހަނުހުރެ، ހަތިޔާރު ފޯރުކޮށްދިނުމުގެ ތެރެއިން މިކަމަށް މަގުފަހިކޮށްދޭ ބާރުގަދަ ޤައުމުތަކުގެ، ޚާއްޞަކޮށް އެމެރިކާ އާއި އޭގެ އެކުވެރިންގެ ޢަމަލުތަކާމެދު ރައީސް މުޢިއްޒު، ކަންބޮޑުވުން ފާޅުކުރެއްވިއެވެ.

އިސްލާމީ ޤައުމުތަކުގެ މެދުގައި އެއްބައިވަންތަކަން އިތުރުކުރުމަށް ގޮވާލައްވަމުން ރައީސް މުޢިއްޒު ވިދާޅުވީ، "އެއްބައިވަންތަކަމަކީ ހަމައެކަނި ބަހުން ބުނާ އެއްޗެއް ނޫނެވެ." އަދި ދާދިފަހުން ރާއްޖެއިން ވަނީ ނަސްލު ނައްތާލުމުގެ މުޢާހަދާގެ ދަށުން އިސްރާއީލާއި ދެކޮޅަށް ސައުތު އެފްރިކާއިން ހުށަހަޅާފައިވާ މައްސަލައަށް ތާއީދުކޮށް އިންޓަރނޭޝަނަލް ކޯޓު އޮފް ޖަސްޓިސްގައި އިންޓަރވެންޝަނެއް ފައިލްކޮށްފައިވާކަން އިޢުލާންކުރެއްވިއެވެ.

މީގެއިތުރުން، އިސްރާއީލަށް ހަތިޔާރު ވިއްކުން ހުއްޓުވުމަށް އދ.ގެ ސަލާމަތީ މަޖިލީހަށް ގޮވާލައްވައި، 75 އަހަރު ވަންދެން "ފަލަސްޠީނު ރެފިއުޖީންގެ ފުރާނަ" އަށް ވެފައިވާ އދ.ގެ އޭޖެންސީ އުންރުވާ އުވާލުމަށް އިސްރާއީލުން ނިންމާފައިވާ ނިންމުމާމެދު ރާއްޖެއިން ހަރުކަށި އިބާރާތުން ދެކޮޅުހަދާކަން ރައީސް މުޢިއްޒު ތަކުރާރު ކުރެއްވިއެވެ.

ރައީސް މުޢިއްޒު ވިދާޅުވީ "ފަލަސްޠީނު ރައްޔިތުންގެ ހާލަތަކީ އަޅުގަނޑުމެންގެ އުއްމަތުގެ ހިތުގައި ޖެހިފައިވާ ފުން ޒަޚަމެއް. މި ސަމިޓަކީ އަޅުގަނޑުމެންގެ ޢަޒުމު ޙަޤީޤީ ޢަމަލަކަށް ބަދަލުވާ ނުކުތާ ކަމުގައި ހަދަމާ ހިންގަވާ."

ރިޔާޟުގައި ބޭއްވުނު މި ސަމިޓަކީ ފަލަސްޠީނުގެ މައްސަލައަށް ޙައްލެއް ހޯދުމަށް އިސްލާމީ އަދި ޢަރަބި ޤައުމުތަކުން މަސައްކަތްކުރުމަށް އެއްބަސްވި މުހިންމު ބައްދަލުވުމެކެވެ. މި ސަމިޓުގައި ބައިވެރިވެވަޑައިގެންނެވި ޤައުމުތަކުގެ ލީޑަރުން ވަނީ ފަލަސްޠީނުގެ މައްސަލައަށް އަވަސް