ރޭ ޕީއެސްޖީއާއި އެތުލެޓިކޯ މެޑްރިޑް ކުޅުނު ޗެމްޕިއަންސް ލީގުގެ މެޗުގައި ޕީއެސްޖީގެ ސަޕޯޓަރުން އެމީހުންގެ ހިތަތްކުގައި ފަލަސްޠީނަށް އޮތް ލޯބި ދައްލާލައިފިއެވެ.

"ފްރީ ފަލަސްޠީން" ޖަހާފައިވާ ބޮޑު ބެނާއެއް ޕީއެސްޖީ ސަޕޯޓަރުން ވަނީ ސްޓޭޑިއަމަށް ނެރެ މެޗު ބަލާ އެންމެނަށް ފެންނާނެހެން ހަރުކޮށްފައެވެ. މިބެނާގެ ތިރީގައި އިތުރު ބެނާއެއް ވެސް ހުއްޓެވެ. މެޗު ކުޅެމުން ދަނިކޮށް އިތުރު ބެނާއެއްވެސް ފެނުނެވެ. އެއް ބެނާގައި އެމީހުންގެ ބަހުން ލިޔެފައިވަނީ "ދަނޑުމަތީގައި ޞުލްޙަ އެކަމަކު ދުނިޔޭގައި ހަނގުރާމަ" ކަމަށެވެ. މީގެ އިތުރުން "އެހެންމީހުންގެ ފުރާނަޔަށްވުރެ ޣައްޒާގެ ކުޑަކުދިންގެ ފުރާނައިގައި އަގެއް ނެތީތަ" މިހެން ލިޔެފައި ހުއްޓެވެ.

ޕާކް ޑެސް ޕްރިންސެސް ސްޓޭޑިއަމްގައި ދަމާފައިވާ މި ބެނާގެ މައްސަލަ ހުޅަނގުގެ ނުޒޫފު އޮންނަ ފުޓުބޯޅަ މައި އިދާރާގެ ސަމާލުކަމަށް އައިސް ޕީއެސްޖީއާއި ދެކޮޅަށް ފިޔަވަޅު އަޅައިފާނެ ކަމަށް ރިޕޯޓްތައް ބުނެއެވެ. ފުރާންސްގެ ސަރުކާރުންވެސް ދަނީ މި މައްސަލަ ބަލަމުންނެވެ.

ޕީއެސްޖީ ސަޕޯޓަރުން އެމީހުންގެ ޝުޢޫރު ފާޅުކުރަން ދެމި މި ބެނާއާއި ގުޅިގެން ފަރަންސޭސި އިންޓީރިއަރ މިނިސްޓަރު ބްރޫނޯ ރެޓެއިލޯ ވިދާޅުވީ މިއީ ބަލައިގަނެވޭނެ ކަމެއް ނޫނެވެ. އަދި ޕީއެސްޖީއާ މެދު ފިޔަވަޅު އެޅުމުގެ އިންޒާރު ދެއްވައި، ފުރާންސްގެ ސުޑް ރޭޑިއޯއަށް ދިން އިންޓަރވިއުއެއްގައި ވިދާޅުވި ކަމަށް ޚަބަރުތައް ބުނެއެވެ. "އަޅުގަނޑު އެއްވެސް ކަމެއް ބާކީ ނުކުރާނަން. ޕީއެސްޖީ އަތުން އަޅުގަނޑު ތަފްސީލު ހޯދާނަން" އިންޓީރިއާ މިނިސްޓަރާއި ޙަވާލާދީ ޔާހޫ ސްޕޯޓްސްގައި ވެއެވެ.

ނަމަވެސް ޕީއެސްޖީއިން މިކަމާއި ގުޅިގެން ނެރުނު ބަޔާނުގައި ބުނެފައިވަނީ މި ބެނާ ނެރުމުގެ ކުރިން ބެނާގެ އެއްވެސް މަޢުލޫމާތެއް އެ ޓީމަށް ލިބިފައިނުވާ ކަމަށާއި އެ ސްޓޭޑިއަމަކީ ފުޓުބޯޅައަށް ލޯބިކުރާ މީހުން އެއްވެ އުފާކުރާ ތަނެކެވެ. އަދި އެގޮތުގައި ދެމިއޮންނަންވާނެ ތަނެއް ކަމަށާއި، ސްޓޭޑިއަމްގައި ސިޔާސީ މެސެޖުތައް ދެއްކުމާއި ކުލަބުން ހަރުކަށި ގޮތެއްގައި ދެކޮޅުހަދާ ކަމަށެވެ.

ފީފާއިން އޮންނަނީ ސިޔާސީ ކަންކަމާއި ގުޅޭ ޝުޢޫރު ސްޓޭޑިއަމްތަކުގައި ފާޅު ނުކުރުމަށް އަންގާފައެވެ. މި ބަދަލު ގެނައީ އިސްރާއީލާއި ދެކޮޅަށް ބަސްބުނުން ހުއްޓުވުމުގެ މަޤްޞަދުގައެވެ. ކުރިން ޔުކްރޭނު ހަނގުރާމައިގެ މައްސަލައިގައި ޔުކްރޭނުގެ ދިދަތައްވެސް ދަނޑުމަތީގައި ވިހުރައެވެ.

^{އިންގްލިޝް ޕްރިމިއަރ ލީގުގައި ރަޝިއާގެ ރައީސަށް ނަފްރަތު އުފެއްދުމުގެ ގޮތުން ދަމާފައިވާ ބެނާ - ޣައްޒާގެ ދިފާޢުގައި މިފަދަ ބެނާތައް ދަނޑަށް ވައްދަފާނެތީވެ ފީފާއިން ވަނީ މުސްލިމުންގެ ޝުޢޫރުތައް ހަނިކުރުމުގެ ގޮތުން މިފަދަ ކަންކަން މަނާކޮށްފައި}

ދުނިޔޭގެ ފުޓުބޯޅަ ކޮންޓުރޯލް ކުރަނީ ޔަހޫދީންނެވެ. އެކަމުގެ އެންމެ ސާފު ހެއްކަކީ ޔުކްރޭނު މައްސަލައިގައި ރަޝިއާ ބައިނަލްއަޤްވާމީ ކުޅިވަރުތަކުން ސަސްޕެންޑް ކޮށްފައިވާއިރު އިސްރާއީލުގެ ޔަހޫދީން ފާޅުގައި ޣައްޒާ މުސްލިމުން ކަތިލަމުންދާއިރުވެސް އިސްރާއީލަށް ދުނިޔޭގެ ހުރިހާ ކުޅިވަރުތަކުން ޖާގަ ލިބެއެވެ.

ޣައްޒާ ހަނގުރާމަ ފެށުމުން އެކަމާއި ދެކޮޅަށް ޝިޢާރުތައް ދަނޑުމަތީގައި މުސްލިމުން އުފުލަން ފެށުމުން ފީފާއިން ވަނީ އިސްރާއީލުގެ މަސްލަޙަތަށްޓަކައި އުޞޫލުތައް ބަދަލުކޮށްފައެވެ.

^{ޗެމްޕިއަންސް ލީގުގެ މެޗުގައި ރޭ ޕީއެސްޖީ ސަޕޯޓަރުން ދަމާފައިވާ ބެނާ / ފޮޓޯ؟ އެކްސް}

ޕީއެސްޖީ ސަޕޯޓަރުން ފުރާންސުގައި މި ބެނާ ދެމިއިރު ނޭޝަންސް ލީގުގައި ފުރާންސާއި އިސްރާއީލު ކުޅުމަށް ހަމަޖެހިފައިވާ މެޗެއް އަންނަ ހަފްތާގައި އެބައޮތެވެ. މި މެޗު ކުޅެނީ ފްރާންސްގެ ނެޝަނަލް ސްޓޭޑިއަމްގައެވެ.

ޕީއެސްޖީ ސަޕޯޓަރުން މިި ބެނާ ދެމިއިރު ފާހަގަވާ މުހިންމު ކަމަކީ ޔޫރަޕްގައި އެންމެ މުސްލިމުން ގިނަ ޤައުމަކީ ފުރާންސެވެ. އަދި ޔަހޫދީންވެސް ޔޫރަޕްގައި އެންމެ ގިނައީ ފުރާންސުގައެވެ. އެމެރިކާ އާއި އިސްރާއީލަށް ފަހު ދުނިޔޭގެ އެންމެ ބޮޑު ތިންވަނަ ޔަހޫދީ އާބާދީ އޮންނަނީވެސް ފުރާންސުގައެވެ.