މަޝްހޫރު ވިޔަފާރިވެރިޔާ މުޙައްމަދު ޔޫސުފް (ކުވާ މޮހޮދޭ) މިއަދު ހެނދުނު އަވަހާރަވެއްޖެއެވެ. މޮހޮދޭ އަކީ މިނިސްޓަރ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް، ޑޮކްޓަރ މަރްޔަމް މާރިޔާގެ ލޮބުވެތި ބައްޕައެވެ. އަދި މިސަރުކާރުގެ ފުރަތަމަ ކޮމިޝަނަރ ޖެނެރަލް އޮފް ކަސްޓަމްސްގެ މަޤާމު އަދާކުރެއްވި ޔޫސުފް މާނިއުގެ ވެސް ބައްޕައެވެ.

ރައީސް ޑރ. މުޢިއްޒު ތަޢުޒިޔާ ވިދާޅުވެ ކުރެއްވި ޕޯސްޓެއްގައި، މޮހޮދޭ އަކީ ވިޔަފާރީގެ ދާއިރާއިން ބޮޑެތި ޚިދުމަތްތަކެއް ޤައުމަށް ކޮށްދެއްވާފައިވާ، ދަރުމަވެރި އެހީތައް ފޯރުކޮށްދެއްވާފައިވާ އިޙްސާންތެރިއެއް ކަމަށް ވިދާޅުވިއެވެ. އަދި އޭނާ އަކީ ގިނަ ބަޔަކު ދަންނަ ރަޙްމަތްތެރި ސާދާ މިޒާޖެއްގެ ވެރިއެއް ކަމަށާއި ޚިދުމަތްތެރި ދަރީންތަކެއްގެ ބައްޕައެއް ކަމަށް ވެސް ފާހަގަކުރެއްވިއެވެ.

إِنَّا ِللهِ وَإِنَّآإِلَيْهِ رَاجِعُونމިނިސްޓަރ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް، ޑޮކްޓަރ މަރްޔަމް މާރިޔާގެ ލޮބުވެތި ބައްޕާފުޅު މުޙައްމަދު ޔޫސުފް އަވަހާރަވި ޚަބަރު އަޅުގަނޑު އަޑުއެހީ ފުން ހިތާމައާއިއެކުއެވެ.މަރްޙޫމް މުޙައްމަދު ޔޫސުފް (ކުވާ…

إِنَّا ِللهِ وَإِنَّآإِلَيْهِ رَاجِعُونމިނިސްޓަރ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް، ޑޮކްޓަރ މަރްޔަމް މާރިޔާގެ ލޮބުވެތި ބައްޕާފުޅު މުޙައްމަދު ޔޫސުފް އަވަހާރަވި ޚަބަރު އަޅުގަނޑު އަޑުއެހީ ފުން ހިތާމައާއިއެކުއެވެ.މަރްޙޫމް މުޙައްމަދު ޔޫސުފް (ކުވާ…

— Dr Mohamed Muizzu (@MMuizzu)

?t=QY9N637Hv08skbqLoMXQvw&s=08

މޮހޮދޭ އަކީ ކުރީގެ ރައީސް އިބްރާހިމް ނާޞިރުގެ ގާތް އެކުވެރިއެކެވެ. ރައީސް މައުމޫން ވެރިކަމަށް ވަޑައިގެންނެވި ފަހުން، ރައީސް ނާސިރު އަޑީގައި ހުންނަވައިގެން ރާއްޖޭގެ ވެރިކަން ބަދަލު ކުރަން އުޅުނު ކަމަށް ބުނެ ހައްޔަރުކުރެވުނު މީހުންގެ ތެރޭގައި މޮހޮދޭ ވެސް ހިމެނުނެވެ. ނަމަވެސް ފަހުން މޮހޮދޭ ވަނީ އެކަމުގައި އެއްވެސް ބައިވެރިވުމެއް ނެތް ކަމަށް ވިދާޅުވެފައެވެ.

މޮހޮދޭގެ މައްޗަށް ކުރެވޭ ކަށުނަމާދު އޮންނާނީ މިރޭ އިޝާނަމާދަށް ފަހުއެވެ.