ނަޞްރުގެ ދުވަހުގެ މުނާސަބަތުގައި ދިފާޢީ ވަޒީރު މުޙައްމަދު ޣައްސާން މައުމޫން ތަހުނިޔާގެ މެސެޖެއް ފޮނުއްވައިފިއެވެ.
ސޯޝަލް މީޑިއާގައި މިއަދު ހިއްސާކުރެއްވި ޕޯސްޓެއްގައި ވަޒީރު ޣައްސާން ވިދާޅުވީ، ނަޞްރުގެ ދުވަހުގެ ހެޔޮ އެދުން ސިފައިންގެ އެންމެ މަތީ ވެރިޔާ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށާއި، ފަޚުރުވެރި ދިވެހި ސިފައިންނަށް އަދި އެންމެހާ ދިވެހި ރައްޔިތުންނަށް އަރިސްކުރައްވާ ކަމަށެވެ.
Nasru ge dhuvahuge heyo edhun, Sifainge emme mathee veriya Raeesul Jumhooriyya @MMuizzu ashaai fakhuruveri dhivehi sifainnashaai lobuvethi dhivehi rayyithunnah aris kuran. 🇲🇻 pic.twitter.com/RNka0WN5Gb
Advertisement
?t=_6rLZszoeD2FChYkh4vK6Q&s=19
ނަޞްރުގެ ދުވަހަކީ 1988 ވަނަ އަހަރުގެ ނޮވެންބަރު މަހުގެ 3 ވަނަ ދުވަހު ހިނގި ނުރައްކާތެރި ހާދިސާއެއް ފާހަގަކުރުމަށް ކަނޑައަޅާފައިވާ ދުވަހެކެވެ. އެދުވަހު ދިވެހި 6 ޚާއިނުން ބޭރުގެ ނިރުބަވެރި ޖަމާޢަތަކާއި ގުޅިގެން ރާއްޖޭގެ މައްޗަށް އަތްގަދަ ކުރުމަށް ދިން ޢުދުވާނީ ޙަމަލާއިން ދިވެހިންނަށް ނަޞްރު ލިބުނު ދުވަހުގެ ގޮތުގައި މި ދުވަސް ފާހަގަކުރެވެއެވެ.
މި ޢުދުވާނީ ޙަމަލާގައި ޖުމްލަ 19 ދިވެހިން ޝަހީދުވިއެވެ. މީގެ ތެރޭގައި ހިމެނެނީ ސިފައިންގެ 8 ބޭކަލުންނާއި ޢާންމު ރައްޔިތުންގެ 11 މީހުންނެވެ. މި އަހަރަކީ މި ހިތާމަވެރި ހާދިސާ ހިނގިތާ 36 އަހަރު ފުރޭ އަހަރެވެ.
ނަޞްރުގެ ދުވަހަކީ ދިވެހި ޤައުމިއްޔަތާއި މިނިވަންކަން ދިފާޢުކުރުމުގައި ދިވެހިން ދެއްކި ހިތްވަރާއި ޤުރުބާނީ ހަނދާންކޮށް، ޝަހީދުންގެ ހަނދާން އާކުރާ ދުވަހެކެވެ. އަދި މި ދުވަހަކީ ދިވެހި ސިފައިންނާއި ރައްޔިތުންގެ އެއްބައިވަންތަކަމާއި ޤައުމީ ލޯބި އާލާކުރުމުގެ މުހިންމު ދުވަހެއްގެ ގޮތުގައިވެސް ފާހަގަކުރެވެއެވެ.
